Bota

E mbante si kafshë shtëpiake, kanguri sulmon për vdekje 77-vjeçarin



Bëhu pjesë e Grupit Zyrtar të Opinion.al
>> KËTU <<
               Publikuar në : 10:17 - 13/09/22 |
Opi Nion

Një 77-vjeçar nga Australia ka ndërruar jetë pasi u sulmua nga një kangur që e mbante në banesë si kafshë shtëpiake.

Sipas BBC, ishte një i afërm ai që e gjeti 77-vjeçarin me lëndime të rënda të hënën në shtëpinë e tij në Redmond, rreth 400 km (250 milje) në jug të Perthit.

Kur shërbimet mjekësore mbërritën në shtëpinë e 77-vjeçarit, kanguri i ka penguar që të futeshin brenda në banesë. Në vendngjarje mbërriti dhe Policia, e cila u detyrua që të qëllonte kangurin.

I moshuari ka pasur dëmtime shumë të rënda dhe pavarësisht ndihmës mjekësore, ndërroi jetë në banesë.

Një zëdhënës i policisë tha për mediat se besonin se burri ishte sulmuar nga kanguri – kafshë e egër – më herët gjatë ditës.

Australia është shtëpia e rreth 50 milionë kangurëve, të cilët mund të peshojnë deri në 90 kg dhe të rriten deri në 2 metra të gjatë.

Por sulmet fatale janë të rralla – ky është i pari i raportuar në Australi që nga viti 1936.

Kangurët kanë dhëmbë të mprehtë, kthetra dhe këmbë të fuqishme, tha eksperti i sjelljes së kangurit Graeme Coulson për Korporatën Australiane të Transmetimeve.

Në korrik, një kangur sulmoi një grua 67-vjeçare në një shëtitje në Queensland.

Pas