Një sulm autobombë në Turqi, mëngjesin e sotëm, ka vrarë 13 ushtarë dhe ka plagosur më shumë se 48 persona, tha ushtria turke.
Shënjestër e sulmit ka qenë një autobus që po transportonte ushtarë, të cilët ishin lejuar për të vizituar një treg lokal. Në momentin e shpërthimit, autobusi ndodhej pranë një kampusi universitar në qytetin e Kayserit.
Agjencia e lajmeve “Dogan” tha se shpërthimi u shkaktua nga një autobombë.
Shpërthimi vjen një javë pasi 44 persona u vranë nga një sulm me bomba në Stamboll pranë stadiumit të Beshiktashit.
