Kjo e enjte e gjen sërish të ndarë mazhorancën dhe opozitën parlamentare. PD dhe LSI do të zhvillojne mbledhjen e grupeve parlamentare në qytetin e Vlorës, ndërsa maxhoranca do të votojë e vetme në parlament dekretin e presidentit Meta të shoqëruar me disa amendime në ligjin për teatrin.
Të pranishëm në sallë, sa për procedurë, do të jenë edhe dy deputet të LSI, Vangjel Tavo dhe Lefter Koka, të cilët janë në limite, pasi kane munguar 6 muaj në parlament.
Ndërsa Partia Demokratike dhe aleatët e saj mblidhen sot në Vlorë për të vijuar me denoncimin e asaj qe opozita e quan shkëputje e lidhjeve mes krimit dhe pushtetit.
Teatri
Lulzim Basha takoi një përfaqësi të artisteve mbrëmjen e së mërkurës dhe bëri një paralajmërim për shumicën. Opozita nuk do të marre pjese në seancë, pasi do te mblidhet ne Vlorë, por Lulzim Basha deklaroi dje në mbrëmje se votimi i këtij ligji është grusht shteti dhe çdo deputet që jep votën pro, sipas tij do te konsiderohet terrorist.
Sakaq, aktivistë të shoqërisë civile kanë njoftuar proteste sot në 10:00 përpara parlamentit, duke kundërshtuar miratimin e ligjit per shembjen e teatrit Kombetar.
