Tre persona kanë rënë në prangat e Policisë së Elbasanit, pasi paraditen e sotme kanë rrëmbyer një shtetas.
Ngjarja ka ndodhur në orët e para të ditës së sotme.
Personat kanë marrë me forcë shtetasin A. S, 25 vjeç, banues në Elbasan dhe e kanë futur në makinën e tyre.
Të arrestuarit janë shtetasi Arben Raxha, 48 vjeç, Bekim Raxha, 21 vjeç, dhe Erion Kaçuli, 18 vjeç , të tre banues në fshatin Griqan, Elbasan.
Të tre këta shtetas, dyshohet se e rrëmbyen të riun, pasi mendonin se ai u kishte vjedhur diçka në banesë.
Njoftimi i policisë:
Nga Specialistët e Hetimit të Krimit në Komisariatin e Policisë Elbasan, u arrestuan në flagrancë shtetasit:
- Arben Raxha, 48 vjeç
- Bekim Raxha, 21 vjeç,
- Erion Kaçuli, 18 vjeç , të tre banues në fshatin Griqan, Elbasan.
Arrestimi i këtyre shtetasve u bë pasi në lagjen “Emin Matraxhiu” Elbasan, për motive të dobëta, kanë marrë e kërcënuar në mjetin e tyre, shtetasin A.S, 25 vjeç, banues në Elbasan.
Materialet i kaluan Prokurorisë pranë Gjykatës së Shkallës Parë Elbasan, për veprën penale “Heqja e paligjshme e lirisë”, parashikuar nga neni 110 i Kodit Penal.
