Bota

Drejtori i muzeut krahason Sorosin me Hitlerin, polemika në Hungari  


Bëhu pjesë e Grupit Zyrtar të Opinion.al
>> KËTU <<
               Publikuar në : 18:01 - 29/11/20 |
Opi Nion

Drejtori i një muzeu në Hungari ka krahasuar miliarderin George Soros me Hilterin, në një artikull rreth konfliktit të Polonisë me Bashkimin Europian lidhur me mbizotërimin e ligjit, duke shkaktuar një valë reagimesh dhe kundërshtish veçanërisht nga organizata hebreje.

“Europa është kthyer në një dhomë gazi e George Soros. George Soros është Führeri liberal” dhe polakët dhe hugarezët janë hebrenjtë e rinj” , shkroi Sillard Demeter në artikullin e publikuar nga Saturday .hu.

“Soros dhe aleatët e tij synojnë ta përjashtojnë Poloninë  dhe Hungarinë nga komuniteti politik në të cilin në ende kemi të drejta,”  vazhdon argumentin e tij 44-vjeçari që në vitin 2018 u emërua drejtor i muzeut prestigjoz të lertërisë “Petofi” dhe që është njëkohësisht Komisioneri i Kulturës që prej vitit të shkuar.

Organizatat izraelite dhe hebreje e kanë dënuar në mënyrë të menjëhershme këtë paralele.

“Ne refuzojmë cdo përdorim apo abuzim të kujtimit të Holokaustit për cilindo qëllim,” ka thënë Ambasada Izraelite në Budapest në një deklaratë.

Ndërkohë opozita ka kërkuar shkarkimin e menjëhershëm të Sillard Demeter. “Një njeri si ai nuk duhet të ketë vend në jetën publike, jo vetëm në një vend Europian, por askund në botë”, janë shprehur ata.

Ndërkohë qeveria nuk i është përgjigjur ende një pyetjeje të Reuters përmes e mail-it, nëse ndan të njëjtin këndvështrim si Demeter.

Hungaria dhe Polonia që së fundi janë akuzuar nga BE se reformat e tyre cenojnë vlerat demokratike, javën e shkuar votuan buxhetin e unionit dhe planin ekonomik të pandemisë.

Kryeministri hungarez Viktor Orban e ka cilësuar Sorosin se fundi si një kriminel ekonomik dhe një nga njerëzit më të korruptuar të globit.

90-vjeçari amerikan është i lindur në Hungari dhe është një nga të mbijetuarit e Holokaustit./Opinion.al

Pas