Aktualitet

Dosja Gërdeci/Nëna e 7-vjeçarit të vdekur: Djali im do ishte sot 21 vjeç


Bëhu pjesë e Grupit Zyrtar të Opinion.al
>> KËTU <<
               Publikuar në : 13:43 - 24/09/21 |
Opi Nion

Zamira Durda, nëna që humbi djalin e saj 7 vjeçar në tragjedinë e Gërdecit, ka reaguar ditën e sotme pas vendimit të Gjykatës së Posaçme të Apelit për të rigjykuar ish-ministrin e Mbrojtjes Fatmir Mediu.

Ajo tha se është një lajm i mirë dhe se kërkon një vendim përfundimtar gjykate.

“Është një hap i mirë, për të gjithë. Një lajm i mirë për të gjithë që të paktën të ketë një ndëshkueshmeri. I kam parashtruar të gjitha kërkesat e mia nëpërmjet avokatit edhe pse nuk isha e pranishme.

Këtë kam pritur se për gjithë këtë kohë 14 vjet, kam qenë në të gjitha institucionet dhe shpresa e fundit ishte tek SPAK. Kjo është ajo që prisja, rihapje dhe të ketë një vendim gjykate, a është i fajshëm, a i pafajshëm se na bënin karshillëk gjatë gjithë kohës”, tha Durda për news 24.

Zamira Durda shtoi se djali i saj sot do ishte 21 vjeç, duke shtruar pyetjen se përse nuk jeton fëmija i saj?!

“Gjithë këto kohë e kaluar me një dhimbje shumë të madhe e duke mos marrë dhe drejtësi dhimbja sa vjen e shtohet. Është dyfishuar dhimbja me mospasjen e drejtësisë. Djali im do ishte sot 21 vjeç, përse nuk jeton fëmija im. Kjo gjë më mundon nga dita në ditë, sa më shumë vite kalojnë dhimbja ime shtohet”, tha Durda.

Nga shpërthimi i punishtes së demontimit të armëve në Gërdec mbetën 26 të vrarë dhe qindra të plagosur./Opinion.al

Pas