Kronikë

Dosja/Festa të “shthurura” në qeli,telefonatat me të dashurën zbuluan të dënuarin



Bëhu pjesë e Grupit Zyrtar të Opinion.al
>> KËTU <<
               Publikuar në : 11:29 - 03/02/22 |
Opi Nion

Është zbardhur dosja hetimore e arrestimeve të kryera mbrëmjen e së martës në burgje në kuadër të operacionit të koduar “Trinomi”,  si rezultat i të cilit u vunë në pranga 28 persona, mes tyre gardiane, e zyrtare të lartë të policisë së Burgjeve, si dhe emra të njohur të drejtësisë.

Në dosje permenden dëshmi e fakte se si të dënuarit në burgun e Korçës vendosnin baste sportive nga ambientet e burgut dhe realizonin festa me alkool e drogë.

Në dosjen e siguruar nga gazetarja Klodiana Lala,  thuhet se i burgosuri Leo Osmani, ka organizuar një festë në burgun e Korçës, në të cilin vuante dënimin. Në atë festë, janë përdorur alkool dhe lëndë narkotike, të siguruara në qeli nga Osmani, i cili kishte arritur të krijonte lidhjet dhe furnizuesit e tij.

Nga ana tjetër, policët përgjegjës në atë sektor, nuk kanë bërë asgjë për t’i parandaluar, edhe pse kanë konstatuar nisjen e kësaj feste.

Sendet e paligjshme, përfshirë edhe ato për zhvillimin e basteve sportive, i ka futur në burg Aleksandër Alibashi. Ai ka pasur ndihmën e punonjësit të policisë së burgjeve Ilia Beshollari.

Në dosje theksohet se, të dënuarit Aleksandër Llanaj, Delin Hajdari dhe Leo Osmani kanë kontaktuar me Aleksandër Alibashin, për të vënë baste sportive.

Alibashi, i vendoste këto baste në lokalin në pronësi të tij në qytetin e Vlorës. Personi që Llanaj komunikonte më shpesh, ishte e dashura e tij.Ajo kujdesej për të vendosur bastet sportive të të dashurit, por edhe shokëve të tij të burgut. Komunikimi sipas dosjes hetimore, bëhej nëpërmjet numrave telefonikë të ndryshëm.

Operacioni “Trinom”, u zhvillua në burgjet e Elbasanit, Peqinit,  Drenovës dhe “313” në Tiranë. Autoritetet bënë me dije se të arrestuarit në bashkëpunim me njëri-tjetrin dhe me punonjësit e sistemit të burgjeve, merrnin dhe transmetonin porosi të cilat cenojnë rëndë sigurinë e burgjeve, por dhe sigurinë kombëtare./Opinion.al

Pas