Aktualitet

“Do vaksinohen 60 qytetarë në orë”, Rama: Nisim para javës së 3 të janarit


Bëhu pjesë e Grupit Zyrtar të Opinion.al
>> KËTU <<
               Publikuar në : 16:57 - 04/01/21 |
Semiljana Azizi

Kryeministri Edi Rama së bashku me Ministren e Shëndetësisë Ogerta Manastirliu, kanë bërë sot një vizitë në stadiumin “Air Albania”, vendi ku pritet të kryehet edhe vaksinimi masiv kundër COVID-19.

Sipas kryeministrit të vendit, synohet që vaksinimi të fillohet para javës së tretë të janarit në vend, i cili është dhe afati i kontratës me kompaninë Pfizer.

“Jemi në një fazë shumë pozitive sa i përketë virusit. Mendojmë ta nisim përpara javës së tretë të janarit vaksinimin por kemi shpresë edhe më shpejt. Kemi siguruar 500 mijë vaksina dhe kemi garantuar një trend vaksinimi që i përgjigjet strategjisë. Do presim dhe mbështesim menjëherë spitalin COVID të Prishtinës dhe strukturën spitalore të tij. Do jemi pranë tyre pa asnjë hezitim. Ajo që është e rëndësishme është që për gjithë këtë punë janë bërë gjithë ato përgatitje dhe ne nuk jemi asnjëherë një hap pas asaj që vjen, por jemi një hap para.”– tha Rama.

Ministrja e Shëndetësisë Ogerta Manastirliu u shpreh se në këtë qendër është parashikuar vaksinimi i 60 qytetarëve në orë.

Nga ana tjetër Manastirliu tha se qendra të tjera vaksinimi do të hapen paralelisht edhe në zona të tjera të Tiranës, ndërsa radhën më pas e kanë Vlora e Shkodra.

“Po bëhet gati plani i vaksinimit për të gjithë grupet më të rrezikuar duke filluar nga mjekët. Tashmë janë vendosur bokset e para të vaksinimit me të gjithë elementët përkatës. Kemi planifikuar që në momentin e parë që vijnë sipas lajmërimeve të gjithë personat që do vaksinohen, si do të hyjnë në vendet e vaksinimit. Si do bëhet regjistrimi, si do organizohet qëndrimi i tyre. Janë marrë masat për elementët e sigurisë. Do të kryhen disa procese. Në fillim do të vijnë qytetarët dhe do të ulen në poltronet e paravaksinimit duke plotësuar nga mjeku anamezën. Më pas do të vihet dhe do të bëhet vaksina, më pas do të qëndrohet 30 minuta për të parë se si reagon trupi, do ulen në qendrat e pas vaksinimit. Do kemi skuadrat e vaksinimit, mjekët si dhe disa nga urgjenca. Aktualisht janë vendosur dhe po vijojnë të vendosen postacionet për të kryer vaksinën. Në të gjithë unazën e arenës do të jenë 60 postacione vaksinimi. Planifikojmë që çdo një orë të vaksinohen 60 ose më shumë qytetarë. Do vijojë kështu 8-10 orë në ditë. Vaksinat e para janë parashikuar që do të shkojnë për grupet e riskut, aktualisht kemi bërë gati listat e infermierëve dhe mjekëve. Më pas do vijojmë me mjekët dhe infermierët e urgjencave. Jemi në fazën ku po trajnojmë gjithë ekipet mjekësore. Do të vijojmë paralelisht me Tiranën. Do vijojmë më pas me Vlorën dhe Shkodrën dhe më pas në të gjithë vendin. Për vaksinën Pfizer/ BioNTech ne kemi kapacitete për të pritur deri në 30 mijë vaksina. Ne kemi siguruar kapacitetet frigoriferike për të pritur kaq vaksina. Për depot frigoriferike ne i kemi. ” – tha Manastirliu.

STATUSI NGA EDI RAMA

 #SHQIPËRIABUZËQESH – Në instalim e sipër Qendra e Parë e Vaksinimit anti-Covid19 në Air Albania Stadium
Së shpejti nisim vaksinimin e bluzave të bardha, që synojmë ta fillojmë më parë se sa afati kontraktual me Pfizer për javën e tretë të janarit, përmes punës intensive diplomatike në shumë drejtime./Opinion.al

Pas