Kryesore

Do të përdoren bomba molotov në protestën e 25 majit? Flet Basha


               Publikuar në : 18:35 - 15/05/19 |
geliano fataj

Pas mbledhje së kryesisë, Partia Demokratike ka vendosur që protesta e radhës kundër qeverisë “Rama” të zhvillohet më 25 maj.

Kreu i Partisë Demokratike, Lulzim Basha u shpreh për mediat pas mbledhjes, se protestat do të vijojnë deri sa të sigurohen zgjedhje të lira dhe të ndershme. Pasi sipas tij, blerja e votës është porosi e Edi Ramës.

Kryedemokrati tha se në  përgjimet e bëra në Dibër për blerjen e votava është i përfshirë Rama, ndërsa theksoi se vendi është në kushtet e grushtit të shtetit.

Kreu i PD tha gjithashtu se gjysma e kandidatëve të PS për zgjedhjet e 30 qershorit janë kriminel.

“Gjatë ditës së sotme, PD ka shqyrtuar gjendjen e rëndë të grushtit të shtetit ku ndodhet vendi pas asgjësimit të Gjykatës Kushtetuese dhe Gjykatës së Lartë, pas kapjes së Prokurorit të Përgjithshëm, sot Shqipëria ka kuptuar se fshihet makthi i Edi Ramës, i cili ka frikë nga zbardhja e dosjeve ku janë përfshirë kryeministri dhe banditët e Rilindjes për të vjedhur zgjedhjet në Dibër dhe në mbarë Shqipërinë.

Sot gazeta Bild ka treguar se kemi një qeveri që udhëhiqet nga kriminelë dhe gangsterë, ka zbuluar sesi në përgjimet e Dibrës figuron vetë Edi Rama duke folur për të vjedhur vota. Zonja Gjylameti është vetë pjesë e votës 184, ndërsa zonja Spiropali duket se është pjesë e dosjes së Xibrakës. E vërteta që mbetet është që nuk ka njeri që nuk e ka marrë vesh se Rama ka vjedhur votat, se parlamenti është produkt i votës së vjedhur. Jemi në kushtet e grushtit të shtetit. Rama ka caktuar kursin e përplasjes me popullin.

Kjo duket qartë në listën e kriminelëve dhe vrasësve që ka vendosur. Kupola e Rilindjes ka vendosur si kandidatë vrasës, përdhunues, kandidatë të zgjedhur nga Ymer Lala në Dibër, që ka caktuar dy kandidatët. Shikoni çfarë zgjedhjesh bëjnë. Ymer Lala cakton dy kandidatët. Edhe formalisht vendi është me gjendje civile të masakruar. Regjistri i adresave është i masakruar, e dhe nga pikëpamja politike nuk ka zgjedhje. Votimi unanim i opozitës është përballje popullore me të gjitha format dhe mënyrat”, tha Basha.

I pyetur nëse do të përdoren bomba molotov në protestën e 25 majit, Basha tha se ai është kundër dhunës, por jo gjithmonë do të jetë udhërrëfyes i njerëzve të cilët janë sulmuar me gazlotësjellës.

“Ne nuk kemi bërë  dhunë dhe distancohemi, mos prite se Basha të jemë udhërrëfyesi që njerëzve që Rama i ka helmuar me gaz. Detyra jonë është të parashtrojmë zgjidhjen politike”,-shtoi Basha./ Opinion.al E.Xh.

Pas