Te Fundit

Diskutimet për dekretin ndaj Begajt,Kryemadhi:T’i drejtohen Gjykatës Kushtetutese



Bëhu pjesë e Grupit Zyrtar të Opinion.al
>> KËTU <<
               Publikuar në : 12:44 - 06/06/22 |
Opi Nion

Kryetarja e LSI-së, Monika Kryemadhi, ka folur këtë të hënë lidhur me procesin e zgjedhjes së Presidentit të ri, Bajram Begaj.

Duke u ndalur te diskutimet mes kreut të PD-së Sali Berisha dhe Presidentit Ilir Meta, për dekretin e lirimit nga detyrat ushtarake të Bajram Begajt, Kryemadhi tha se nuk është juriste, që të diskutojë dekretet e Presidentit. Berisha u shpreh se dekreti i Presidentit Ilir Meta për lirimin nga detyra të Begajt, është i pavlefshëm. Ai nënvizoi se presidenti humbet fuqinë e dekreteve nëse ndodhet jashtë shtetit, bazuar në të drejtën kushtetuese europiane.

Në një intervistë për News24, Kryemadhi u shpreh se palët mund t’i ishin drejtuar Gjykatës Kushtetuese për të qartësuar më shumë këtë debat.

“Për hir të së vërtetës, nuk jam juriste që të diskutoj dekretet e Presidentit. Mendoj që t’i drejtohen Gjykatës Kushtetutese. Besoj do ta bënte më të qartë dhe më të kthjellët. Duke iu drejtuar asaj, do i jepte përgjigje debateve të Berishës me Presidencën” – tha Kryemadhi.

Përsa i përket zgjedhjes së Begajt në krye të shtetit, Kryemadhi vendosi në dyshim nëse ai do të arrijë të mbajë paanshmërinë përballë një qeverie që sipas saj është autokratike.

“Nuk kam gjë personale me zotin Begaj. Të qënurit President kërkon integritet, pavarësi mendimi dhe atdhedashuri. Nuk e di nëse do jetë e mundshme për të, duke pasur parasysh një qeveri autokratë dhe një kryeministër diktator. I gjithë procesi ishte jo konsensual, ishte përjashtues. Mund të ishte Presidenti, një gazetar, një analist politik që kishte një lloj pavarësie. Ajo që të bën përshtypje ishte verdikti i votës së mazhorancës, ndryshimet e 2008-ës, ja dhanë të drejtën mazhorancës” – tha Kryemadhi.

Pas