-Shëndeti

Diagnostikohen dy persona me murtajë pneumonike në Kinë


               Publikuar në : 13:30 - 13/11/19 |
Al Do

Dy njerëz në Kinë janë diagnostikuar me murtajë, rastet më të fundit të një sëmundjeje që kujton një katastrofë historike.

Plaga shkaktohet nga bakteri Yersinia pestis dhe mund të shfaqet në tre forma – një infeksion i mushkërive, i njohur si plagë pneumonike; një infeksion i gjakut, i njohur si plagë septikemike; dhe një formë që prek nyjet limfatike, të quajtur plagë bubonike.

Forma e fundit është ndoshta më e famshmja e njohur si Vdekja e Zezë, e cila vlerësohet të ketë vrarë deri në 60% të popullsisë evropiane gjatë mesjetës së vonë.

Dy rastet e reja që po trajtohen në një spital në Pekin janë të formës pneumonike, e cila është edhe më serioze se murtaja bubonike.

Sipas Qendrave për Kontrollin dhe Parandalimin e Sëmundjeve (CDC) në SHBA, murtaja zakonisht përhapet te njerëzit që kanë trajtuar një kafshë të infektuar ose që janë kafshuar nga një plesht që ka patur kontakt me një kafshë e infektuar. Sidoqoftë, në rastin e murtajës pneumonike mund të përhapet kur një person i infektuar kollitet. Murtaja pneumonike është shumë ngjitëse dhe është fatale nëse nuk mjekohet shpejt me antibiotikë.

“Komisioni Kombëtar i Shëndetit kinez po zbaton përpjekje për të përmirësuar dhe trajtuar rastet e identifikuara dhe mbikëqyrjen në rritje,” tha Fabio Scano, i OBSH-së në Kinë.

Nuk është hera e parë që në historinë e fundit Kina ka trajtuar raste të murtajës. Në vitin 2014 qyteti Yumen u mbyll dhe 151 njerëz u vendosën në karantinë pasi një njeri vdiq nga sëmundja.

Sipas CDC, murtaja – kryesisht e formës bubonike – vazhdon të rritet në zonat rurale të SHBA-së, përfshirë Arizonën veriore, Koloradon jugore dhe Oregonin jugor. Në vitin 2014 kishte 16 raste dhe katër vdekje në SHBA, përfshirë atë të një burri nga Juta që mendohet të ketë ardhur në kontakt me një plesht të infektuar ose një kafshë të ngordhur.

Epidemitë e fundit janë raportuar në Afrikë, Azi dhe Amerikën e Jugut, kryesisht në rajonet rurale. OBSH raportoi 3,248 raste dhe 584 vdekje nga murtaja në mbarë botën midis 2010 dhe 2015. /Opinion.al

Pas