Kronikë

Detaje nga ngjarja e rëndë, infermierja tregon çfarë i tha 3-vjeçari


Bëhu pjesë e Grupit Zyrtar të Opinion.al
>> KËTU <<
               Publikuar në : 15:04 - 27/04/20 |
Al Do

Detaje të reja janë zbuluar rreth ngjarje së rëndë të ndodhur në Kamëz, si pasojë e së cilës një 3 vjeçar ndodhet në gjendje kritike për jetën në Spitalin e Traumës.

Më datë 24 prill rreth orës 12:00, fëmija 3 vjeç është dërguar në Spitalin e Traumës në gjendje të rëndë shëndetësore, me shenja dhune dhe fraktura në gjithë trupin.

Nga marrja në pyetje, mjekja e cila ka patur kontaktin e parë me fëmijën ka dhënë këtë deklaratë:

Në momentin e parë që fëmija ka ardhur në urgjencë ishte i përgjegjshëm qante, ulërinte, ishte i grindur dhe thoshte më ka rrahur mami dhe babi. Pas këtij momenti filloi t’i rëndohej gjendja dhe nuk ka mundur të flasë më”.

I akuzuar për këtë ngjarje është bashkëjetuesi i mamasë së fëmijës, 35-vjeçari Alfred Kazanxhi, i cili i ka mohuar akuzat duke dhënë versionin e tij të ngjarjes.

Jam njohur me Albën prej 1 viti me një fëmijë dhe pranuan të jetonin bashkë, fillimisht tek “Ali Demi” dhe më tej, rreth dy muaj kishin ardhur në Kamëz.  Kur shkova në banjo, djali ishte i ulur në divan duke parë televizor dhe kur dola e pashë të shtrirë në tapet i shtrirë. I fola dhe nuk reagonte, i hoqa rrobat, e fërkova me ujë dhe thirra të ëmën dhe më pas ambulancën. E mora në krah dhe zbrita poshtë për ta dërguar në spital”, thuhet në dëshminë e tij.

Këtë version e mbështet edhe nëna e fëmijës megjithatë e cila thotë se në momentin kur djali ka marrë dëmtimet nuk ka qenë në shtëpi.

“Rreth orës 11:00 kam dalë nga shtëpia dhe kam shkuar të marr bukë dhe qumësht tek furra në institutin bujqësor dhe e lashë fëmijën me bashkëjetuesin. Ndërkohë që po bëja pazarin më ka marrë në telefon Alfredi, ku më tha se djali kishte rënë nga divani dhe nuk merrte dhe nuk jepte dhe menjëherë kam shkuar në banesë dhe sa hyra pashë në mes të dhomës ishin dy bidona me ujë dhe dera ishte e tërhequr por jo e mbyllur me çelës, menjëherë zbrita poshtë dhe pashë se para pallatit kishte një grumbull njerëzisht dhe njëra nga komshiet më tha se kisha djalin aty dhe po e mbante Alfredi në krah dhe e mora menjëherë. Ai vetëm rënkonte. Ka ardhur ambulanca që e ka njoftuar Alfredi dhe bashkë me djalin shkova në spital. Djali kishte hemorragji dhe mpiksje gjaku në kokë.  Kur e pyeta Alfredin çfarë kishte ndodhur më tha se kishte qenë në banjo dhe kur doli kishte parë se djali ishte shtrirë në dysheme dhe pa ndjenja, ku i kishte hequr bluzën dhe i kishte hedhur ujë në trup pasi ai nuk reagonte”, tha A.Hoxha para oficerëve të Policisë Gjyqësore.

Ajo mohon që bashkëjetuesi  i saj të ketë dhunuar fëmijën e saj. Në dëshminëe saj ajo përmend një tjetër rast kur 3-vjeçari është lënduar përsëri sipas saj pasi ka rënë nga divani.

“Djali 10 ditë më parë është rrëzuar nga divani duke vrarë kokën dhe e kam çuar në ambulancën e Kamzës ku mjeku e ka vizituar duke thënë se nuk ka problem serioze. Alfredi nuk e ka dhunuar ndonjëherë djalin”, thuhet në dëshminë e saj.

Ndërkohë, policia ka marrë në pyetje edhe familjen ku gruaja punonte, duke dhënë më shumë detaje nga ky episod, ku sërish ajo ndodhej duke punuar tek ta.

“Fillimisht kur punonte e merrte edhe djalin me vete, por kur Alfredi ishte kthyer nga Italia e linte në banesë me të. Rreth datës 8 ose 9 prill, gjatë kohës që qëndronte në banesë Alfredi i kishte thënë se djali ishte pa qejf dhe nuk e dinte çfarë kishte. I kishte dërguar foto të djalit, i enjtur dhe i nxirë në pjesën e syve”, tregojnë ata.

Gjykata vendosi të lërë sot në burg 35-vjeçarin ndërsa djali është në gjendje të rëndë pasi ka mpiksje gjaku në tru dhe 3 brinjë të thyera. /Opinion.al

Pas