InstaBIZ

Dëshmia e Fjolla Morinës pas arrestimit: Me Fisnikun jemi gati për martesë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:32 - 06/10/20 |
Al Do

Zbardhet dëshmia e plotë e këngëtares Fjolla Morina, e arrestuar në në Doganën e Morinës teksa po hynte drejt Shqipërisë, por në çantë iu gjetën dy pistoleta.

Këngëtarja Fjolla Morina thotë se nuk e dinte se kishte pistoletë në çantë ndërsa biznesmeni që e shoqëronte kur ajo u ndalua nga polica, është partneri i saj.

Këto janë pohimet e këngëtares në dëshminë e saj pasi ajo u arrestua në Doganën e Morinës teksa po hynte drejt Shqipërisë.

Asaj iu gjetën dy pistoleta, një në çantën e dorës dhe një në bagazhin e makinës si edhe disa fishekë në pjesën e përparme të mbajtëses së krahut anash sedijes së shoferit.

Këngëtarja ka sqaruar se pistolet i ishte dhuruar nga një mik i cili nuk jeton më ndërsa vizita në Shqipëri ka qenë me qëllime pune. Sa i përket biznesmenit Fisnik Syla ajo thotë se ata janë në një lidhje dashurie dhe kanë planifikuar të martohen.

“Jam nisur nga Kosova me makinën time, për në Tiranë pasi kam pasur për të bërë muzikë. Në makinë kam pasur edhe shtetasin Fitim Muji, shofer si dhe shokun tim Fisnik Syla. Gjatë kontrollit në PKK Morinë më kanë gjetur pistoletën dhe fishekët në çantë dhe në makinë. Pistoletën ma ka bërë dhuratë një miku im nga Gjermania, i cili nuk jeton më. Personat që unë kisha në makinë nuk ishin në dijeni se unë kam pistoletë, madje edhe unë vetë nuk e dija se e kam në çantë pistoletën. Deklaroj se Fitim Mujin e kam njohur para tre muajsh dhe e kam shoferin tim dhe të Fisnikut, pasi ai punon për Fisnikun. Ndërsa me Fisnik Syla jam njohur që herët dhe tani jemi të dashur, gati për martesë, por nuk e kam nxjerrë nëpër media, duke e mbajtur privat. Dua të deklaroj se mund të jem edhe shtatzënë pasi një test paraprak më ka dalë pozitiv”.

I pyetur si person nëse kishte dijeni për veprën penale, Fisnik Syla ka deklaruar se: “Jemi nisur nga Kosova me makinën e Fjollës dhe dua të deklaroj se Fjollën e kam të dashur prej 2-3 muajsh dhe kam lidhje me të, ndërsa shtetasin Fitim Muji e kam shokun tim prej kohësh pasi jemi nga i njëjti fshat. Po vinim në Tiranë pasi Fjolla kishte një klip për të bërë dhe ne po e shoqëronim. Nuk kisha dijeni për armët në makinë, pasi po ta dija nuk kisha hipur në atë makinë, se unë kam biznesin tim dhe nuk më shkon në mendje për të bërë ndonjë të pabërë. Fitimi është shoku im dhe nuk ka lidhje me Fjollën dhe është i papërfshirë në këtë ngjarje”.

Fisnik Syla dhe shoferi Fitim Muji tashmë janë liruar me kusht nga Gjykata e Kukësit, ndërsa këngëtarja është nën masën e sigurisë “Arrest shtëpie” dhe po qëndron në një banesë me qira në këtë qytet./ Opinion.al

Pas