Në Këshillin e Mandateve dhe Rregullores, nënkryetari i Kuvendit, Bledi Çuçi ka debatuar me kreun e Grupit Parlamentar të PD, Gazment Bardhi, pas propozimiti të këtij të fundit ku tha që deputetët të deklarojnë nëse kanë përdorur apo jo aplikacionet Sky ECC dhe Encrochat.
Çuçi tha gjatë fjalës së tij se nuk duhet të bëjmë populizëm, por ta shqyrtojmë këtë çështje edhe në një grup pune.
Nga ana tjetër, Bardhi tha se nga vetë hetimet janë zbardhur komunikime të deputetëve me eksponentë të krimit të organizuar dhe këto ngrejnë dyshime ngrenë pikëpyetje mbi integritetin e deputeteve, por edhe të vetë Kuvendit të Shqipërisë.
”Hetimet kanë zbardhur komunikimet edhe të deputetëve me eksponentë të krimit të organizuar. Këto dyshime ngrenë pikëpyetje mbi integritetin e deputeteve, por edhe të vetë Kuvendit të Shqipërisë”, theksoi Bardhi.
”Doja te shprehja qëndrimin e grupit tone parlamentar, pavarësisht nga çfarë mendoj unë se si ruhet integriteti i deputetit. Nga pikëpamja proceduriale kete duhet ta shqyrtojmë edhe ne nje grup pune sepse janë disa çështje proceduriale qe duhen pare.
A eshte kjo çështje Rregullores se Kuvendit apo jo? A duhet te merret Rregullorja vetem me nje aplikacion se jane disa te tilla? A e afekton kjo Kodin Penal apo jo? Pra, janë disa çështje qe duhen shqyrtuar. Le ta shqyrtoje nje grup profesionistësh kete çështje nese afekton apo jo Kodin Penal. Mund ta përfshijmë te formulari i vetedeklarimit përpara kandidimit apo mund te përfshijmë ndoshta dhe kryetaret e bashkive apo njerëzit e sistemit te drejtësisë.
Une personalisht nuk e mendoj kështu, megjithatë la ta bashkojmë me ndryshimet e tjera te Rregullores dhe ta shohim me gjere këtë çështje. Mënyrën si e keni shkruar ketu propozimin nuk qëndron nga ana kushtetuese. Nuk duhet te bëjmë nje ndryshim i cili cenohet shume kollaj neser dej ne Gjykatën Kushtetuese. Nëse duam vërtet nje gje qe te adresoje ceshtjen e pastërtisë se figurës se deputetit, duhet ta bëjmë tamam, jo për populizem”, tha Çuçi.
”Grupet e punës së administratës janë të administratës, ne jemi këshill i mandate. Unë propozimin nuk e kam bërë që të ma vlerësojë sekretari i kuvendit apo administrata me gjithë respektin që kam.
Kodi i etikës është pjesë e rregullores dhe sigurisht që parimet e etikës në i kemi në këtë rregullore.
Nuk po them se deputetët e kanë përdorur për krime. Mund ta kenë përdorur për arsye private të jetës së tyre. Por secili prej nesh do duhet të deklarojë nëse e ka përdorur apo jo platformën Sky ECC. Kjo është e gjitha. Kush nuk ka asgjë për të fshehur, nuk ka pse të frikësohet. Për sa kohë ne ia kemi vënë detyrim funksionarëve të tjerë të shtetit, do duhet ta nisim nga vetja. Kjo është e ndershme. Sa kohë detyrojmë një funksionar policie që paguhet me 600 mijë lekë të vjetra, ne do duhet të nisim nga vetja. Ky është standardi moral”, u shpreh Bardhi.
