Me pezullimin e seancës plenare deri në orën 17:00 nga kreu i Kuvendit, krerët e grupeve parlamentare, Spaho për demokratët, Vasili për LSI dhe Mediu për Republikanët, i drejtuan një kërkesë me shkrim zotit Ruçi, në të cilën kërkojnë përjashtimin nga seanca të kryeministrit Edi Rama.
Firmëtarët e argumentojnë kërkesën me pretendimin se kryeministri Edi Rama ka ofenduar në mënyrë të përsëritur deputetin Sali Berisha, me fjalor vulgar. Për këtë kërkojnë përjashtimin e kryeministrit nga seanca parlamentare..
Mësohet se sot teksa Berisha kërkonte fjalën në parlament, Rama ndër dhëmbë i ka dhënë “je i rrjedhur”. Kjo nxiti gjithë zemërimin e demokratëve dhe kryesisht të Flamur Nokës, të cilin Ruçi e përjashtoi pasi bllokoi foltoren.
