Dekreti i Presidentit Ilir Meta për anulimin e datës së zgjedhjeve lokale të 30 qershorit është botuar në Fletoren Zyrtare.
Pavarësisht vendimit të Metës, Partia Socialiste dhe kryeministri Edi Rama janë shprehur të vendosur për të hyrë në zgjedhje më 30 qershor.
Mazhoranca e ka konsideruar si antikushtetues dhe të pazbatueshëm vendimin e presidentit, ndërsa ka paralajmëruar edhe nisjen e procedurës për shkarkimin e tij.
Por pse e mori presidenti këtë vendim. Sipas gazetarit Robert Rakipllari, presidenti kishte informacion nga shërbime sekrete për përplasje në 8 qershor.
“Kështu është një veprim në interes të plotë publik, iu jep mundësi palëve që të ketë një ulje në tavolinë dialogu”, tha Rakipllari.
