Aktualitet

Deklaratat e Metës kundër ambasadorëve, Koçijançiç: Të papranueshme


Bëhu pjesë e Grupit Zyrtar të Opinion.al
>> KËTU <<
               Publikuar në : 18:43 - 22/11/19 |
Al Do

Zëdhënësja për Punët e Jashtme dhe Politikën e Sigurisë e Bashkimit Evropian, Maja Koçijançiç, i ka cilësuar “të papranueshme” deklaratat e Presidentit Meta mbi diplomatët në Tiranë.

Në deklaratën e saj ajo thekson se qëndrimet e përfaqësuesve diplomatikë të BE në Tiranë “përfaqësojnë qëndrimet dhe pikëpamjet e BE-së”.

Deklaratat e përfaqësuesve të autoriteteve shqiptare dhe partive politike që vënë në dyshim integritetin e bashkësisë diplomatike të Bashkimit Evropian në Tiranë për qëndrime të shprehura në cilësinë e tyre institucionale janë krejtësisht të papranueshme. Deklaratat dhe veprimet e përfaqësuesve të Bashkimit Evropian përfaqësojnë qëndrimet dhe pikëpamjet e BE-së. Ne përsërisim mbështetjen tonë të plotë për punën e shkëlqyer që Ambasadori i BE-së dhe Delegacioni i BE-së po bëjnë për ta sjellë vendin më pranë Bashkimit Evropian. Bashkimi Evropian, të gjithë përfaqësuesit e tij dhe vendet anëtare po punojnë për t’i mbështetur në mënyrë efektive përpjekjet e Shqipërisë për t’i çuar përpara reformat thelbësore në dobi të qytetarëve shqiptarë. Ne besojmë se respekti dhe bashkëpunimi është i garantuar nga të gjithë aktorët në vend, me qëllim promovimin e partneritetit tonë me Shqipërinë”, lexohet në deklaratën e Koçijançiç.

Presidenti Ilir Meta e ka cilësuar ambasadorin Soreca si një nga shkaktarët e ngërçit në Gjykatën Kushtetuese.

Ka vetëm një zgjidhje për Edi Ramën dhe disa palaço ndërkombëtarë, ka vetëm një zgjidhje tani: Referendumi. Nuk i pengoj as diplomatët të dalin me Edi Ramën, unë do dalë me popullin”, theksoi ai në një deklaratë për mediat ditën e djeshme. /Opinion.al

Pas