Aktualitet

Debat te ligjet/ “Janë bërë shkarkime masive”, Presidenca: Kemi bërë një ristrukturim



Bëhu pjesë e Grupit Zyrtar të Opinion.al
>> KËTU <<
               Publikuar në : 11:50 - 02/11/22 |
Opi Nion

Është shoqëruar me debate mbledhja e sotme në Komisionin e Ligjeve.

Ka qenë, Enkelejd Alibeaj, i cili ka kërkuar sqarim për lajmet e dala së fundmi në media për shkarkime të shumta të punonjësve në Presidencë.

Lidhur me këtë përfaqësuesi i Presidencës, Florian Kali i është përgjigjur se largimet në Presidencë janë bërë bazuar në vlerësimet e dosjeve personale të punonjësve dhe sipas tij janë larguar ata që nuk plotësonin kriteret sipas ligjit.

Ndërkohë, deputeti Gazment Bardhi u shpreh se nuk mund të pranohet fakti që Presidenca të bëjë pushime masive nga puna, vetëm se u ndërrua Presidenti i Republikës. Sipas tij punonjësit duhet të kenë qëndrueshmëri në punë.

Debati

Alibeaj:  Do të doja një sqarim për disa njoftime që kanë dalë në media për disa shkarkime masive në Presidencë. Një pjesë e tyre sipas mediave kanë edhe statusin e nëpunësit civil. Pyetjen dhe sqarimin do të doja ta dija që këto shkarkime masive nëse kanë ndodhur, a mund të sjellin ndonjë impakt në buxhetin tuaj se këta punonjës nëse shkojnë në gjykatë dhe fitojnë gjyqet. Pra, a ka ndodhur apo jo dhe çfarë impakti mund të sjellin?

Florian Kali (Presidenca): Ne kemi bërë një ristrukturim dhe kemi sjellë strukturën e Presidencës siç duhet pasi ishte në një piramidë jo të drejtë. Në vlerësimet e dosjeve personale të gjithë personat që nuk plotësonin kriteret sipas ligjit, janë bërë largimet për mospërputhje kriteresh specifike. Numrin total nuk ua them saktësisht. Llogari për 2023 nuk shohim pasi nuk ka pasur asnjë procedim në gjykatën administrative. Nuk shohim ndonjë impakt gjatë viteve të ardhshme.

Gazment Bardhi: Pagat duhet të rriten për të gjithë administratën publike, jo vetëm për Presidencën. Sa i përket investimeve nëse lidhen me sigurinë e Presidencës, duhet të vendosen në dispozicion. Sa i përket shtesës në strukturë, ndaj të njëjtin shqetësim për pushime masive nga puna në institucionin e Presidentit. Nuk e pranoj dot që punonjësit që janë marrë në punë, janë marrë në kundërshtim me dispozitat ligjore. Pushimet nga puna të pamotivuara janë të dënueshme kudo që ndodhin.  Nuk e pranojmë dot që Presidenca të bëjë pushime masive nga puna, vetëm se u ndërrua Presidenti i Republikës. Punonjësit duhet të kenë qëndrueshmëri në punë. Ju strukturën bëjeni siç iu përshtatet më shumë, por respektoni ligjin për nëpunësit civilë.

Bushka: Qëndrueshmëria e administratës është parim që garantohet. Ajo që ju thoni është sikur është kështu që thoni ju. Ristrukturimi i institucioneve është e drejtë e vetë institucionit. Kur flasim për çështje së pari duhet të jemi korrekt. Ne nuk bëjmë dot gjykatën është bërë gabim apo jo.

Bardhi: Ndodh për herë të parë që dalin në lajme për shkarkime masive nga puna në Presidencë. Është për herë të parë në historinë 30 vjeçare.

Bushka: Ne nuk mund të nisemi nga një lajm në media dhe të themi kështu është. Çdo institucion ka të drejtën e tij ta menaxhojë institucionin.

Bardhi: Unë po them është një shqetësim.

Bushka: Jam dakord që ka një shqetësim. Por që ti vëmë ne vulën që kjo që dëgjuam kështu është, kjo nuk është e qartë. Sekretari i përgjithshëm e shpjegoi.

Pas