Rajoni

COVID/ Masa të reja kufizuese në Kosovë, pas orës 20:00 vendi karantinohet


Bëhu pjesë e Grupit Zyrtar të Opinion.al
>> KËTU <<
               Publikuar në : 18:49 - 22/12/20 |
Semiljana Azizi

Qeveria në detyrë e Kosovës ka miratuar pasditen e sotme masat e reja për parandalimin e përhapjes së koronavirusit.

Sipas të dhënave bëhet me dije se orari i lëvizjes së qytetarëve si dhe orari i veprimtarisë së lokaleve dhe restoranteve është zgjatur. Mësohet se bizneset dhe lëvizja e lirë do të jetë deri në orën 20:00, ndërkaq vendi do të karantinoret nga ora 20:00 deri në 05:00

Sa i përket transportit publik, ai do të jetë i lejuar të lëviz më 50% të kapaciteteve.

“Në zonën me Operatorët ekonomik lejohen të punojnë nga 05:00-20:00, Qendrat tregtare lejohen të punojnë nga 05:00-20:00, Shërbimet e hotelerisë dhe gastronomisë lejohen të punojnë nga 05:00-20:00, ndërkaq pas orës 20:00 punojnë me shërbim “merr me vete” dhe “porosi me dërgesë”, Transporti publik lejohet të punojë duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”, thuhet në vendim.

Po ashtu sipas këtij vendimi personave mbi moshën 65-vjeç u lejohet dalja jashtë shtëpisë vetëm gjatë orarit 6:00-10:00 dhe 16:00-19:00, ndërkaq jashtë këtij orari mund të dalin vetëm për nevoja emergjente dhe shëndetësore.

Vendimi hyn në fuqi më 23.12.2020, në orën 05:00 dhe vlen deri në një vendim tjetër./Opinion.al

Pas