Bota

Covid-19/ SHBA ndryshon strategji, asimptomatikët nuk do të testohen


Bëhu pjesë e Grupit Zyrtar të Opinion.al
>> KËTU <<
               Publikuar në : 13:06 - 26/08/20 |
el ida

Qendra për Kontrollin dhe Parandalimin e Sëmundjeve në SHBA ka ndryshuar udhëzimet për rastet se kur kërkohet bërja e testit për Covid-19.

Tashmë CDC nuk kërkon më testime për shumicën e personave pa simptoma, edhe nëse ata kanë qenë në kontakt të ngushtë me dikë që dihet se e ka virusin.

Më parë, agjencia rekomandonte se testimi ishte i përshtatshëm për njerëzit me ekspozim ose të dyshuar, edhe nëse ishin asimptomatikë, shkruan CNN.

Rekomandimet e përditësuara udhëzojnë që nëse keni qenë në kontakt të ngushtë (brenda 1.8 metrash) me një person të infektuar me COVID-19 për të paktën 15 minuta, por nuk keni simptoma, nuk është e nevojshme që ta kryeni domosdoshmërisht testin .

Ata që nuk kanë simptoma Covid-19 dhe nuk kanë qenë në kontakt të ngushtë me dikë të infektuar nuk është e nevojshme të testohen, thonë më tej udhëzimet e reja.

“Jo të gjithë duhet të testohen”, thuhet në faqen e internetit të agjencisë. “Nëse testoheni, duhet të vetë-karantinoheni/ izoloheni në shtëpi në pritje të rezultateve të testit dhe të ndiqni këshillat e ofruesit tuaj të kujdesit shëndetësor ose një profesionist të shëndetit publik.”/Opinion.al

Pas