Aktualitet

COVID-19/ Rama me komitetin e Turqisë: Asnjë vend nuk fiton dot i vetëm


Bëhu pjesë e Grupit Zyrtar të Opinion.al
>> KËTU <<
               Publikuar në : 13:55 - 17/12/20 |
Opi Nion

Ditën e sotme kryeministri Edi Rama ka zhvilluar një bashkëbisedim online me komitetin e ekspertëve të Shqipërisë e Turqisë për situatën e krijuar nga pandemia COVID-19.

Në fjalën e tij, Rama është shprehur se përballja me koronavirusin kjo është një luftë që asnjë vend pavarësisht fuqisë e madhësisë së vet nuk mund ta fitojë dot i vetëm.

Teksa përgëzoi Turqinë për përgjigjen ndaj pandemisë, Rama tha se sa më shumë strategjia të diktohet nga ekspertët aq më shumë funksionon përpjekja e qeverisë.

 “Besoj shkon më së miri fjala e Kemal Ataturkut i cili thoshte se ‘njerëzimi është një trup i vetëm dhe çdo komb është pjesë e këtij organizmi’. Mbase asnjëherë më parë në jetën tonë kjo shprehje e famshme e Ataturkut nuk ka gjetur një përputhshmëri kaq të plotë me kohën e pandemisë, një agresion mbi të gjithë njerëzimin që ka treguar se kufijtë dhe të gjitha dallimet e jetës sonë të përditshme nuk kanë asnjë vlerë. Faktikisht fjala ka ardhur tek shëndeti dhe fatet tona janë të ndërlidhura pashmangërisht të gjitha bashkë. Përkundrazi sa më shumë të komunikojmë, të ndërveprojmë, të bashkërendojmë fuqitë dhe duke shkëmbyer eksperiencat të njehsojmë qasjen ndaj këtij armiku të padukshëm, aq më shumë rritet mundësia e fitimit të kësaj lufte duke kursyer aq jetë dhe aq plagë sa mund të kursehen. Ne jemi përpjekur gjatë gjithë kësaj periudhe të mësojmë sa më shumë nga të tjerat dhe një nga vendet ku kemi ndjekur me vëmendje dhe kemi pasur mundësinë që të kemi komunikim të vazhdueshëm dhe shkëmbim të vazhdueshëm eksperiencash është dhe Turqia dhe besoj që garancia e kësaj lufte të përbashkët nuk janë politikanët, janë ekspertët dhe sa më shumë strategjia të diktohet nga opinioni i tyre aq më shumë dhe përpjekja e qeverive, shteteve funksionon”,-deklaroi Rama./ Opinion.al

Pas