Aktualitet

Rama tregon gjendjen shëndetësore të efektivit që u plagos në protestë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:30 - 17/12/20 |
Opi Nion

Kryeministri Edi Rama është shprehur se operacioni ndaj efektivit që u plagos gjatë protestës për Klodian Rashës, ka dalë më sukses.

Rama e dha lajmin gjatë komunikimi që pati sot me komitetin e ekspertëve turq për pandeminë e COVID-19. Kryeministri zbuloi se gjatë ndërhyrjes kirurgjikale është bëtë transplanti i kornesë së syrit.

“…Falënderues për mjekët që kanë trajtuar një efektiv policie që pati një plagosje në protestë, faktikisht rrezikoi të humbte masën e syrit. Pas operacionit të parë dhe vetë familja dhe ne kërkuam që të shkonte në Turqi për një ndërhyrje të specializuar, një transplant të kornesë së syrit për të cilin kemi marrë para pak lajmi se ka dalë me sukses. Falënderim të veçantë dhe ambasadorit që ishte në dispozicion pa orar për të realizuar transportimin e tij në kohë rekord. Arsye për t’u gëzuar sot pasi gjendja e djalit ishte jo e lehtë dhe operacioni i dytë nuk ishte diçka e garantuar. Për këtë arsye u desh që të shkonte në atë spital, ku me sa duket ka dalë me sukses dhe kjo është diçka e gëzuar për familjen, prindërit, kështu që faleminderit dhe njëherë për këtë”,-tha Rama.

Kujtojmë se qeveria u angazhua posaçërisht që të dërgonte për kurim në Turqi efektivin që mbrojti nga qytetarët Kryeministrinë dhe ministrinë e Brendshme. Gjatë protestave mbetën të plagosur dhe shumë qytetarë të cilët u dhunuan nga efektivët e policisë, ndërsa mes tyre kishte dhe të  mitur./ Opinion.al

 

Pas