Edhe pse me intensitet më të ulët, koronavirusi vijon të përhapet në të gjithë botën. Për parandalimin e përhapjes së pandemisë, mjekët kanë këshilluar që njerëzit duhet të lajnë shpesh duart me sapun si dhe të ruajnë distancën sociale.
Idetë për ruajtjen e distancimit sociale kanë qenë ndër më të çuditshmet, n jë rast i tillë vjen së fundmi nga Rumania.
Grigore Lup, nga qyteti i Cluj, ka krijuar këpucën me nr. 75, e cila sipas tij, do të ndihmojë në ruajtjen e distancimit midis njerëzve. Lup ka bërë këpucë lëkure për 39 vjet.
“Shumë njerëz me dashje ose jo, nuk po respektojnë rregullat e distancës sociale. Unë shkova në treg për të blerë fidane për kopshtin tim. Nuk kishte shumë njerëz atje, por ata qendronin afër njëri tjetrit. Mendoni që nëse dy njerëz do mbanin veshur këto këpucë dhe do të qendronin përballë njëri-tjetrit, do të kishte pothuajse një e gjysmë metër midis tyre”- tha Lup.
Për tu mbrojtur nga koronavirusi, shumë njerëz janë përpjekur të gjejnë zgjidhje nga më të ndryshmet, duke krijuar kostume si të astronautëve, apo edhe kapele të çuditshme.
Megjithatë ekspertët e shëndetësisë shprehen se e rëndësishme është largësia, mbajtja e maskës dhe ruajtja e higjenës./ Opinion.al
