Ministria e Shëndetësisë në përditësimin e të dhënave për situatën e koronavirusit ka njoftuar se gjatë 24 orëve të fundit në vendin tonë janë testuar 246 qytetarë prej të cilëve 4 kanë rezultuar pozitivë.
Rastet e identifkuara janë 2 në Berat dhe 2 në Tiranë mes të cilëve edhe një grua shtatzënë.
Ministria njoftoi gjithashtu se 6 qytetarë janë shëruar në 24 orët e fundit. Në të gjithë vendin janë konfirmuar 880 raste me COVID-19, 78% e të cilëve janë shëruar. Aktualisht në vend janë 161 persona aktivë me COVID-19, kryesisht në Tiranë, Shkodër dhe Krujë. /Opinion.al
