Është shoqëruar me debate të forta mbledhja e sotme te Komisioni i Ligjeve. Ka qenë Zv/ministri i Energjisë, Ilir Betja i cili i është drejtuar deputetit të PD-së, Gazment Bardhi duke i thënë se një njeri është vrarë në Elbasan për shkak të tij.
Ndërkohë, Bardhi ka replikuar dhe ka kërkuar që Bejtja të dalë jashtë mbledhjes.
Debati
Ilir Bejtja: U tha një konstatim, 38 mijë qytetarë në burg. Kjo vlen vetëm për Kinën zonjë. Gjithsej ne kemi kallëzuar penalisht 2100 veta, midis tyre 700 punonjës tonë dhe burg 48 orë mund t ë kenë bërë që t’ju bëj qejfin 10 vetë. Dhe këta kanë qenë vjedhës, ndërhyrës të paligjshëm në rrjetin elektrik.
Gazment Bardhi: Kjo nuk është e vërtetë!
Ilir Bejtja: Keni qenë ministër Drejtësie mund t’i referoheni periudhës suaj dhe ta nxirrni.
Ilir Bejtja: Ai ka pasur depresion, ai e ka pasur 35 mijë lekë të vjetra. Ia solli mendja e vet se për 35 mijë lekë të vjetra nuk varet njeri. Dashi është edhe jurist. Nëse mban mend nga koha që ke qenë prokuror nëse një njeri është varur për një borxh prej 35 mijë lekë të vjetrash, unë nuk po tallem zonjë.
Gazment Bardhi: Ju lutem ruani etikën për ato që kanë ndërruar jetën. Tërhiq fjalët! Sapo fyet një të vdekur.
Ilir Bejtja: Ai ka qenë në burg për 35 mijë lekë.
Gazment Bardhi: Tërhiq fjalët sepse sapo fyet një të vdekur.
Ilir Bejtja: Nuk kam fyer një të vdekur.
Klotilda Bushka: Zoti Bejtja nuk jeni duke u dëgjuar.
Gazment Bardhi: Nxirre përjashta, të kërkojë ndjesë. Të kërkojë ndjesë dhe pastaj të marrë fjalën.
Klotilda Bushka: Zoti Bejtja sapo kërkoi ndjesë.
Gazment Bardhi: Fyeu një të vdekur, s’ka turp.
Ilir Bejtja: Ti e ke të vrarin në Elbasan. Ti ke vrarë një njeri në Elbasan mor dhe s’ke kërkuar falje akoma.
Gazment Bardhi: Kujt i tregon ti për Elbasanin.
Ilir Bejtja: Ty të tregoj!
Gazment Bardhi: Ik mor hajdut aty!
Ilir Bejtja: Ti je hajdut nga koka te këmbët!
Gazment Bardhi: Ça të kam vjedh unë ty?
Pas një ndërprerje të shkurtër , mbledhja ka rinisur sërish.
