Policia e Shtetit ka dhënë informacion zyrtar në lidhje me ngjarjen e ndodhur mbrëmjen e sotme në fshatin Gradishtë të Divajkës.
Sipas Policisë, në banesën e Artan Kaboçit janë dëgjuar të shtëna me armë zjarri. Policia ka shkuar në banesën e tij dhe i ka bërë thirrje 34-vjeçarit që të dorëzohet, por ky i fundit nuk i është bindur.
Ai ka dalë nga banesa dhe ka dëmtuar me sende të forta tre makine të policisë. Ndërkohë, autoritetet kanë bërë të mundur neutralizimin dhe kapjen e tij. Grupi hetimor po punon për zbardhjen e plotë të rrethanave të ngjarjes.
