Bota

Çekia ruan në muze maskat e koronavirusit: Janë simbol i situatës


Bëhu pjesë e Grupit Zyrtar të Opinion.al
>> KËTU <<
               Publikuar në : 18:21 - 23/05/20 |
el ida

Për të theksuar se koronavirusi një ditë do të jetë histori, Muzeu Kombëtar Çek po hap një ekspozitë të maskave të fytyrës.

Qeveria Çeke ishte ndër të parat që bëri të detyrueshme vendosjen e një maskë në ambjentet jashtë shtëpisë. Me 8,725 raste dhe 304 vdekje deri më tani, vendi është prekur më pak se disa vende në Europë, megjithëse ka mendime të ndryshmë përsa i përket efektshmërisë së maskave.

Kur filloi kriza, numri i maskave industriale ishtë i pamjaftueshëm, gjë që nxiti një përpjekje mbarëkombëtare për t’i bërë maskat në shtëpi.

“Ka një sasi të madhe të produkteve sot, është e vështirë të thuhet se çfarë duhet t’i lihet brezave të ardhshëm. Maskat janë një simbol i situatës,”- tha kuratorja Mira Burianova.

Ekspozita e vogël në Muzeun Kombëtar në sheshin Wenceslas të Pragës, u zgjodh nga qindra maska të dërguara nga publiku. Ato përfshijnë motive popullore, modele argëtuese dhe flamurin kombëtar. Ka një maskë të bërë nga fëmijë me autizëm.

“Unë punoj në kujdesin shëndetësor dhe ajo që më interesoi më shumë, ishte se kur nuk kishim asgjë në spital, i gjithë kombi u ngrit dhe qepi maska për dy ditë. Njerëzit duhet të ndihmojnë njëri-tjetrin,”- tha Ludmila Brazdova nga Brno.

Ekspozita hapet të hënën, kohë kur qeveria relakson politikën e saj të maskave. Njerëzit nuk do të duhet më t’i veshin ato jashtë, por përsëri duhet ta bëjnë këtë në transportin dhe në ndërtesat publike – përfshirë muzeun./Opinion.al

Pas