Aktualitet

Braktisi motorin për t’i shpëtuar policisë, 22-vjeçari kapet me armë zjarri



Bëhu pjesë e Grupit Zyrtar të Opinion.al
>> KËTU <<
               Publikuar në : 17:10 - 14/06/22 |
Opi Nion

Një 22-vjeçar është arrestuar nga policia pasi braktisi motomjetin për t’iu shmangur ndjekjes nga uniformat blu.

Mësohet se 22-vjeçari mbante armë zjarri me vetë, ndërsa policia bëri sekuestrimin e 2 armëve të zjarrit, municioneve luftarake dhe të motomjetit.

Në pranga ka rënë shtetasi A. Rr., 22 vjeç, banues në fshatin Hot i Ri, Shkodër.

Ky shtetas po lëvizte me armë zjarri në motoçikletë, në rrugën Gruemirë-Linaj. Pasi ka vënë re që po ndiqej nga shërbimet e Policisë, 22-vjeçari ka braktisur motomjetin dhe është fshehur në një zonë me bimësi, në fshatin Kerraj.

Pas kapjes dhe ndalimit të shtetasit A. Rr., shërbimet e Policisë, gjatë kontrollit, në afërsi të vendit ku ai ishte fshehur, kanë gjetur një armë zjarri pistoletë, një armë zjarri automatik dhe disa fishekë, të cilët u sekuestruan në cilësinë e provës materiale, së bashku me motomjetin.

Materialet iu referuan Prokurorisë pranë Gjykatës së Rrethit Gjyqesor Shkodër, për veprime të mëtejshme./Opinion.al

Pas