Politikë

Braçe: Analizë për të gjitha kontratat e PPP-ve, cili është efektiviteti i tyre


Bëhu pjesë e Grupit Zyrtar të Opinion.al
>> KËTU <<
               Publikuar në : 18:27 - 03/11/21 |
Opi Nion

PPP-të kanë qenë pjesë e diskutimeve në Komisionin e Ekonomisë. Deputeti socialist Erion Braçe i ka kërkuar Ministrisë së Financave analizë për të gjitha kontrata koncesionare dhe çfarë përfitimi i sjellin ato shtetit shqiptar.

“Koncesioni është instrument i vlefshëm kur kontratat zgjidhen me transparencë, me garë, kur merret çmimi më i mirë i mundshëm, dhe në rastet kur sektori është një sektor kur shtetit nuk bën dot asgjë. Por për sektor që kanë të bëjnë me sigurinë dhe fluksin e mallrave është e tepërt kontrata koncesionare. Shqetësimi im është monitorimi i kontratave, kush është efektiviteti i këtyre kontratave. E kam bërë 100 herë këtë pyetje dhe nuk kam marrë përgjigje”,-tha Braçe.

Nga ana tjetër, anëtarët e opozitës në këtë komision kanë akuzuar qeverinë se në buxhetin e vitit 2022 nuk ka të publikuar asgjë për risqet që mbartin kontrata koncesionare.

“Në asnjë fjalë të buxhetit dhe relacionit nuk flitet për risqet e kontratave të PPP, inceneratori i Tiranës thoshte 1 mld lek në vit, në vitin pasardhës paguam në rritje 1.8 mld lekë. Janë paguar 30 mln euro më shumë që si ke të llogaritura. Buxheti nuk reflekton situatën reale”,-deklaroi Tabaku.

Lidhur me PPP-të, Ministrja e Financave dhe Ekonomisë, Delina Ibrahimaj tha se pagesat e PPP-ve janë në nivelin 3% të të ardhurave totale të mbledhura nga 5%./Opinion.al

Pas