Tifozët iranianë nuk do të mund të ndjekin ndeshjet e skuadrës së tyre në Botërorin që starton pas 2 ditësh.
Federata Iraniane e Futbollit bëri të ditur se i është tërhqiur alokimi i biletave për ta vetëm në prag të fillimit të Botërorit që do të thotë se tifozët që tashmë kishin bërë plane për të udhëtuar drejt SHBA nuk do të kenë mundësi të ndjekin skuadrën e tyre.
Botërori i futbollit do të nisë të enjten me Iranin që do të luajë 2 ndeshjet e tij të para të Grupit D në Los Angeles ndaj Zelandës së Re në 15 qershor dhe Belgjikës në 21 qershor, ndërsa në 26 qershor do të luajë me Egjiptin në Seattle.
Në një komunikatë Federata Iraniane deklaro se ka nisur procesin e shitjes së biletave për këto ndeshje, por ato nuk do të mund të dorëzohen më te tifozët. Sipas qeverisë së futbollit iranian mohimi i dhënies së biletave për tifozët është kundër principeve të barazisë mes skuadrave pjesëmarrëse dhe se këto zhvillime ngrejnë dyshime serioze në lidhje me ndërhyrjen e organizatave jo sportive dhe politike në eventin më të madh futbollistik
Çdo federatë e skuadrave pjesëmarrëse merr 8% të biletave për secilën prej ndeshjeve për t’ua shpërndarë tifzoëve sipas kritereve të tyre.
Federata Iraniane e Futbollit në komunikatën e saj thekson se ka kërkuar ndërhyrjen e FIFA në mënyrë që të respektohet principi i neutralitetit, drejtësisë dhe rregullat e përcaktuara me qeverinë e futbollit botëror që nuk është përgjigjur menjëherë kërkesës për koment.
