Dhjetëra civilë janë vrarë dhe qindra të tjerë janë plagosur gjatë bombardimeve të rënda ruse të qytetit lindor të Ukrainës, Kharkiv, thonë zyrtarët ukrainas.
Anton Herashchenko, një këshilltar i ministrit të brendshëm të Kievit, shkroi në “Facebook” se trupat ruse kishin bombarduar zonat e banuara me raketa Grad, duke thënë: Dhjetëra janë vrarë dhe qindra të plagosur!
Në këtë fazë nuk është e mundur të thuhet saktësisht se sa civilë janë vrarë deri më tani. Shefja e OKB-së për të Drejtat e Njeriut, Michelle Bachelet, tha më herët sot se të paktën 102 civilë ishin vrarë, ndërsa 304 të tjerë u plagosën.
“Shumica e këtyre civilëve u vranë nga armë shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave me shumë lëshime, dhe sulmet ajrore. Shifrat reale, kam frikë, janë shumë më të larta,“-tha Bachlet./Opinion.al
