Politikë

Boçi për Ramën: Ky është babaxhani apo Ali Baba?!Po SPAK ku është?


Bëhu pjesë e Grupit Zyrtar të Opinion.al
>> KËTU <<
               Publikuar në : 17:05 - 29/10/21 |
Opi Nion

Deputeti i PD Luçiano Boçi ka reaguar pas mbledhjes së Kryeministrit Rama me kryebashkiakët, lidhur me çështjen e ujësjellësave dhe menaxhimin e tyre. Përmes një postimi  në Facebook, Boçi shprehet se se Kryeministri e ka ditur që në ujësjellës figurojnë të punësuar dhe marrin pagë njerëz që në fakt janë jashtë, duke e quajtur këtë një grabitje me përmasa të firkshme.

“Rama deklaron se e di që në ujësjellës marrin pagë njerëz që janë jashtë?Sikur çfarë po na thotë autori i masakrës  zgjedhore, me 12 mijë të punësuar me kontratë, shumica e të cilëve e dinë që ndërrmarrja e punës është bankomati!!!??

Këtë e di dhe bufi! Po tmerri nuk është këtu. Kryeministri e ditka, e paska ditur dhe e pohon live. Live po kryen vepër penale në bashkëpunim me drejtuesit e pushtetit lokal për shpërdorim detyre, korrupsion masiv dhe mosveprim ndaj atyre që shkelin ligjin. U mori atyre votat e familjarëve me lekët e taksapaguesve, duke i dhënë paga fiktive dhe tani i ngre gishtin e akuzës”, shkruan Boçi.

Deputeti i PD kërkon ndërhyrjen e SPAK, ndërsa e cilëson një turp këtë fakt.

“Tani kush është ky të ma thojë SPAK?!! Ky ështe babaxhani apo Ali Baba?!Po SPAK ku është? Po pohohet një grabitje me përmasa financiare të frikshme dhe hesht?!! Si ka kurajon ky blerësi i votave dhe ta pranojë dhe të mos i hyj gjemb në këmbë?! Si mund të vazhdojë ky masakrues zgjedhjesh të japë mend dhe të tallet hapur me çdo njeri e me çdo institucion?! Ky është tmerr dhe turp”, përfundon Boçi./Opinion.al

Pas