-U tha në Opinion

Blendi Fevziu: Pushteti është korruptuesi më i madh i shpirtit njerëzor


Bëhu pjesë e Grupit Zyrtar të Opinion.al
>> KËTU <<
               Publikuar në : 23:13 - 11/12/20 |
el ida

Duke folur për figurën e mbretit Zog, në emisionin “Prishtinë-Tiranë”, gazetari Blendi Fevziu veçoi rolin e tij në modernizimin e shtetit shqiptar.

Më tej, ndërsa analizoi veprimtarinë e Zogut në vitet që pasuan, gazetari u shpreh se pas viteve ’36 mbreti e humbi nervin e njeriut politik, duke bërë që ai të mos kishte më ç’ti ofronte Shqipërisë.

“Nga viti 1924 deri në vitet ‘30, ‘32 ‘33, Zogu ka një rol të jashtëzakonshëm në modernizimin e shtetit shqiptar, konsolidimin e shtetit shqiptar, ndërtimin e institucioneve bazike të shtetit shqiptar.  Pas viteve ‘33 dhe ky është qëndrimi im, Ahmet Zogu filloi të kthehej në një prijës vanitoz, që e humbi sensin e realitetit, e humbi lidhjen me qytetarët, e humbi elitën intelektuale, e cila në fakt nuk e kishte pranuar asnjëherë, sepse e shihete si malok që ju kishte marr pushtetin.  Në fillim i bëri për vetë këta njerëz që e kishin sulmuar, Fan Nolin, Konicën. Diku i bleu , diku i joshi, diku ju dha diçka dhe këta e pranuan, por që nga ky moment regjimi i Zogut ishte një degradim i vazhdueshëm”, u shpreh gazetari.

Në intervistën e tij Blendi Fevziu tha, se me Zogun ndodhi ajo që ndodh shpesh me liderët: humbasin sensin e realitetit. Në këtë kontekst ai e cilësoi pushtetin si korruptuesin më të madh të shpirtit njerëzor.

“Zogu, nëse nuk do kishte nisur Lufta e Dytë mund të mos kishte ikur kurrë nga pushteti, mund të kishte vdekur si mbret dhe të kishte vazhduar një dinasti, por Zogu nuk mund t’i sillte më asgjë Shqipërisë në vitet ‘35- ’36. Kishte vdekur nervi i njeriut politik dhe instikti, që e kishte çuar fitimtar në shumë beteja politike. Ju e dini se si liderët poltiikë, edhe në kohët e sotme, humbasin sensin e reliatetit. Pushteti është brenda vetes, korruptuesi më i madh i shpirtit njerëzor”, u shpreh gazetari./Opinion.al

 

Pas