Aktualitet

BKH, ambasada e SHBA: Kërkohen hetues me standarde të ngjashme si të FBI


Bëhu pjesë e Grupit Zyrtar të Opinion.al
>> KËTU <<
               Publikuar në : 09:53 - 11/04/21 |
Opi Nion

Byroja Kombëtare e Hetimeve ka hapur sërish aplikimet për hetues. Ambasada Amerikane në Tiranë përmes një postimi në rrjetin social Facebook i inkurajon shqiptarët që të bëhen pjesë e kësaj strukture të ngjashme me FBI-në.

Po ashtu, ambasada amerikane njofton se nëse keni aplikuar në raundin e parë mund të aplikoni sërish.

Keni ëndërruar gjithnjë të bëheni si një nga agjentët e FBI-së? A mendoni se keni atë që duhet? Tani është mundësia juaj! Byroja Kombëtare e Hetimeve ka hapur një tjetër thirrje aplikimesh për hetues.

BKH-ja po kërkon gra dhe burra nga një gamë e gjerë prejardhjesh profesionale, të cilët mund të përmbushin standardet e tyre të larta të zhdërvjelltësisë mendore dhe aftësisë fizike, të ngjashme me ato të FBI.

Bashkohuni me këtë skuadër elitare në luftën kundër korrupsionit dhe krimit të organizuar në Shqipëri. Nëse keni aplikuar në raundin e parë, aplikoni përsëri! Përvoja juaj, aftësia për t’u përmirësuar dhe dëshira për të shërbyer vetëm do t’ju ndihmojnë. Aplikoni tani!” shkruan ambasada e SHBA.

Byroja Kombëtare e Hetimit shpalli konkursin për 32 vende vakante për hetues./Opinion.al

 

Pas