Bota

Biznesmeni i njohur akuzohet për ekzekutimin e gazetares Daphne Galizia


Bëhu pjesë e Grupit Zyrtar të Opinion.al
>> KËTU <<
               Publikuar në : 20:49 - 18/08/21 |
Opi Nion

Biznesmeni i Maltës, Yorgen Fenech është akuzuar zyrtarisht për vrasjen e gazetares, Daphne Caruana Galizia. Prokurori i Përgjithshëm i Maltës ka kërkuar dënimin me burgim të përjetshëm në këtë rast.

Kujtojmë se gazetarja, Caruana Galizia, u vra katër vjet më parë nga shpërthimi i një bombe të vendosur në makinë derisa po dilte nga banesa e saj më 16 tetor 2017.

Para se të vritej, ajo po hetonte për korrupsion të mundshëm të një kontrate qeveritare për ndërtimin e një termocentrali e cila i ishte dhënë biznesmenit Fenech.

Biznesmeni Fenech u arrestua në nëntor të vitit 2019 nën akuzat për përfshirje në vrasje. Tre burra të akuzuar për përgatitjen e vrasjes dhe vënien e bombës u arrestuan në dhjetor të vitit 2017.

Sipas aktakuzës, Fenech akuzohet se i kërkoi një bashkëpunëtori të tij, Melvin Theuma, të punësonte tre sulmues të cilëve do t’u paguheshin 150,000 euro për të vrarë gazetaren Caruana Galizia. Melvin Theuma, i është ofruar falje pasi ka dëshmuar për rastin.

Pas arrestimit të Fenech më 2019, brenda disa ditësh kryeministri i atëhershëm i Maltës, Joseph Muscat dha dorëheqje, pasi u raportua për lidhje të ngushta midis biznesmenit dhe zyrtarëve të lartë të qeverisë.

Muscat ka mohuar pretendimet.

Një hetim i pavarur mbi vrasjen e gazetares Galizia tha se shteti duhej të mbante përgjegjësinë për vrasjen pasi krijoi një “klimë mosndëshkimi”.

Pas