Deputeti i PD-së, Ervin Salianji, ka publikuar ditën e sotme një video, ku sipas tij, tregon faktet se si kryeministri i vendit Edi Rama largoi 500 mijë shqiptarë.
Nëpërmjet një postimi në rrjetet sociale Salianji thekson se Rama ka paturpësinë dhe guximin të dërdëllisë për vlera, por sipas deputetit të zgjedhur të PD, ai është modeli i antivlerave dhe i plaçkitjes së shqiptarëve.
“Ka paturpësinë dhe guximin të dërdëllisë për vlera, modeli i antivlerave, i plaçkitjes së shqiptarëve e korrupsionit kapilar, kapjes dhe kriminalizimit të shtetit, shkatërrimit të bashkëjetesës demokratike, zgjedhjeve të lira, njeriu që përzuri 500 mijë shqiptarë dhe varfëroi miliona të tjerë”, shkruan Salianji./Opinion.al
