Politikë

Biseda me Yuri Kim për Berishën non-grata, Meta: I thash se ishte vepër e …



Bëhu pjesë e Grupit Zyrtar të Opinion.al
>> KËTU <<
               Publikuar në : 12:46 - 25/09/22 |
Opi Nion

Kryetari i Partisë së Lirisë, Ilir Meta gjatë konferencës për mediat ditën e sotme ka folur edhe për takimin me ambasadoren amerikane Yuri Kim që pati disa ditë më parë.

Meta tha se marrëdhëniet me SHBA kanë qenë gjithmonë të shkëlqyera,ndërsa shtoi se pati një bisedë të hapur konstruktive dhe bashkëpunuese me ambasadoren amerikane.

Sa i përket bisedës me ambasadoren amerikane Yuri kim rreth shpalljes non-grata të kryedemokratit Berisha tha se ishte një vepër e Bashës dhe Ramës në bashkëpunim.

“Mund tu them se marrëdhëniet e mia me SHBA-të gjithmonë kanë qenë dhe janë të shkëlqyera. Sidomos në drejtim të forcimit të partneritetit tonë strategjik dhe marrëdhëniet biletarale, në plotësimet e detyrimeve tona 100% si një vend anëtar i NATO-s, gjë që nuk mund të ndodhte pa mbështetjen e SHBA dhe sa i përket përshpejtimit të procesit të integrimit europian që është interes i SHBA. Kemi pasur një bisedë shumë të hapur, shumë konstruktive, shumë bashkëpunuese”, tha Meta.

Cili ka qenë mesazhi i zonjës Kim?

Nuk mund tu flas se cilat ishin mesazhet e ambasadores sepse ata flasin vetë kur ka diçka për të thënë. Mund tu them se çfarë i thashë unë zonjës Ambasadore. Unë atë që them në takime të mbyllura e them edhe në takime të hapura. Thashë mendimin tim për çështjen e shpalljes non grata të Berishës, dhe që kjo është vepër e Bashës dhe Ramës në bashkëpunim. Të gjitha vendimet që ka marrë Basha për bojkotin e reformës në drejtësi, çështja e djegies së mandateve, çështja e faljes së të gjithë pushtetit vendor dhe mosregjistrimin në 13 tetor të PD-së, të gjitha këto vendime ia ka faturuar zotit Berisha dhe ky është një akt i SHBA-be që nuk kemi pse ta diskutojmë. Njëkohësisht i thashë që të thotë në Uashington që unë personalisht e vlerësoj efektin pozitiv të këtij vendimi që nuk kam qenë dakord se pa një vendim të tillë do të kishim sërish Bashën kryetar të PD-së. Ne nuk bëjmë zgjedhje mes Berishës dhe SHBA-ve, mes PD-së dhe Amerikës. Ne kemi programin tonë që është 100% i pavarur edhe nga vetë PD-ja. Ne respektojmë vendimet që marrin anëtarët e PD-së, nuk ndërhyjmë në proceset e zgjedhjeve të tyre. Ne i qëndrojmë programit tonë për të përmbushur detyrimet tona si vend anëtar i NATO. Jemi të bindur që PD është e përkushtuar për t’iu përmbajtur qëllimeve: partneriteti strategjik me SHBA, përshpejtimi i reformave për integrimin Europian të Shqipërisë./Opinion.al

 

Pas