Spanja po përballet prej ditësh me një bilanc dramatik nga koronavirusi. Për të pestën ditë radhazi në vend regjistrohen mbi 800 viktima.
Ministria e Shëndetësisë njoftoi se në 24 orët e fundit, janë shënuar 864 viktima. Kështu, numri total i viktimave në vendin iberik ka arritur tashmë në 9053.
Shifrat kanë një rritje nga raportimi i një dite më parë, ku numri i viktimave në harkun e 24 orëve ishte raportuar 849.
Më tej, autoritetet raportuan se numri i personave të konfirmuar si të prekur nga Covid-19 ka shkuar 100.000. Prej tyre, mbi 5872 persona janë në terapi intensive, ndërsa numri i të shëruarve ka arritur në 22647.
Kujtojmë se Spanja është një nga vendet më të goditura nga Covid-19 në Europë. Ashtu si Italia, vendi u përball me një shpërthim të menjëhershëm infektimesh, e për pasojë dhe vdekjesh./Opinion.al
