Aktualitet

Berisha:Reforma territoriale dështim madhor i qeverisë, u bazua në dëshira partiake



Bëhu pjesë e Grupit Zyrtar të Opinion.al
>> KËTU <<
               Publikuar në : 12:37 - 14/09/22 |
Opi Nion

Kreu i PD, Sali Berisha, ka mbledhur ditën e sotme Grupin Parlamentar të Partisë Demokratike, ku po diskutohet për Reformën Territoriale.

Në fjalën e tij Berisha tha se Reforma aktuale Territoriale është një nga dështimet më madhore në historinë e vendit ndërsa shtoi se ajo nxorri në pah pabarazinë e qytetarëve në aksesin ndaj shërbimeve.

Më tej ai tha se Reforma aktuale Territoriale është një ndarje territoriale e bazuar në dëshira partiake dhe në kundërshtim flagrant me kriteret e përcaktuara nga Kongresi i Autoriteteve Rajonale të Europës.

“Reforma territoriale e qeverisë aktuale është një nga dështimet madhore në historinë e vendit, dështim, i cili nxori në pah diskriminimin madhor të qytetarëve shqiptarë, pabarazinë e tyre në aksesin ndaj shërbimeve.

Një ndarje territoriale kryekëput e bazuar në dëshira partiake dhe në kundërshtim flagrant me kriteret e përcaktuara nga Kongresi i Autoriteteve Rajonale të Europës, në kundërshtim të hapur me interesat e qytetarëve shqiptarë.

Por kjo reformë është një dështim i madh, gjithashtu sepse ishte presupozuar që të lehtësonte barrën e administratës mbi qytetarët shqiptarë.

Rrogëtarët që këta qytetarë paguajnë për njësi vendorë.

E vërteta është se nga 420 bashki e komuna, sot në 61 njësi të qeverisjes vendore, personeli, punonjësit që paguhen në këto 61 njësi janë mbi 50 përqind më shumë sesa nga ata që paguheshin në 420 njësi.

Kjo reformë nuk ishte gjë tjetër vetëm reforma e punësimit partiak”-tha Berisha.

Pas