TIRANË- Seanca e sotme parlamentare (e enjte,17 shtator) është përfshirë nga debate të ashpra për ligjin e dekriminalizimit. Opozita kundërshtoi me fortë shkrirjen e komisionit për dekriminalizimin dhe angazhimin e qeverisë për të hartuar një ligj pa konsensus. Ndërsa Rama tha do ta miratojë ligjin edhe pa opozitën pasi nuk pranon shpikje SHQUP-i, siç i quan ai propozimet e demokratëve. Sipas Ramës drafti që po harton Ministria e Drejtësisë është një model i ligjit italian për dekriminalizimin.
Rama: “Është ngritur një komision që nuk ka bërë asgjë dhe në 30 qershor prodhoi vetëm propagandë banale edhe ato herë që u mblodh. Në mes të shtatorit qeveria do të propozojë variantin e saj, e kam thënë dhe nuk është surprizë. Jemi zotuar bashkarish që ti referohemi ligjit Severino. Ne jemi të gatshëm t’ju dëgjojmë. Por shpikje SHQUP-I ne nuk pranojmë.
Berisha: “Nuk duhej lejuar në asnjë mënyrë shkrirja e Komisionit të Dekriminalizimit. Ky është një akt shumë i rëndë dhe me këtë akt është vrarë besimi. Kemi të bëjmë me një akt të shëmtuar, që vetëm një njeri në historinë politike të këtij vendi ia ka lejuar vetes ta bëjë: Edi Rama. Konsensusi është shkelmuar”.
