Aktualitet

Berisha thirrje KE: Hetoni kullat në Tiranë, Rama është bashkëpronar



Bëhu pjesë e Grupit Zyrtar të Opinion.al
>> KËTU <<
               Publikuar në : 14:29 - 15/09/22 |
Opi Nion

Në seancën e sotme në Kuvendin e Shqipërisë, kreu i PD Sali Berisha i kërkoi Komisionin Europian të mos disbursojë asnjë qindarkë për Shqipërinë pa hetuar aferat e qeverisë. Sipas Berishës Shqipëria ka kaluar çdo vijë të kuqe përsa i përket vjedhjeve. Ai i bëri thirrje KE të hetojë kullat e ngritura në Tiranë ndërsa akuzoi kryeministrin Edi Rama se është bashkëpronar në këto ndërtime.

 “Ftoj Komisioni Europian të kushtëzojë çdo qindarkë të tij gjersa të jetë kjo qeveri. Të kushtëzojë disbursimin e ndihmave me detyrimin e Shqipërisë për të përdorur standarde europiane në prokurime publike, në koncensione dhe PPP. Të kushtëzojë tenderat që janë rritur me 20 herë, të kushtëzojë përdorimin e manualit në ndërtime publike. Ju po jepni dhe po kontrollini implementimin e projekteve tuaja, por me projekte të tjera kjo qeveri po vjedh qytetarët. Të marrin fund tenderat sekrete, imponimi qeverisë shqiptare të përdorë manualin e ndërtimit të BE. 

Kini mëshirë për taksat e qytetarëve shqiptarë dhe europianë. Po shtoj se paratë e taksapaguesve janë në aferën e djegësve. I kërkoj KE të mos disbursojë asnjë qindarkë pa hetuar aferën e Butrintit, një aferë korrupsioni, shpërbërja e njërit prej parqeve më të çmuara. I bëj thirrje PE dhe kongresit të SHBA të ndërmarrë hetim të plotë për këto afera të mëdha. Shqipëria ka kaluar çdo lloj vije të kuqe përsa i përket vjedhjeve. Punësimi u rrit vetëm 0.5%. çfarë janë këto kulla? Mullarë gjigant të drogës të Edi Ramës.

KE të hetojë sepse Tirana gumëzhin se në kulla është bashkëpronar Edi Rama. Siç thotë populli, ku ka zë, s’është pa gjë. Ka shumë të tjerë, por të gjithë tregojnë me gisht Edi Ramën. Përulem me nderim të madh para bujarisë së taksapaguesve europian, por të kushtëzojnë cdo qindarkë për të mbrojtur taksapaguesit shqiptarë”, tha Berisha.

Pas