Aktualitet

Berisha ironizon Bashën: Më mirë qiri i fikur se sa qiri i fëlliqur


Bëhu pjesë e Grupit Zyrtar të Opinion.al
>> KËTU <<
               Publikuar në : 18:56 - 21/09/21 |
Opi Nion

Sali Berisha nga ‘Foltorja’ e Fierit  iu ka kërkuar demokratëve të mos pranojnë asnjë ndarje, në ‘të Bashës’ dhe ‘të Berishës’.

Berisha theksoi se nisma e tij nuk është për veten e tij, por për PD-në dhe partinë.

Ndër të tjera ë fjalën e tij Berisha tha se e ka mbështetur Bashën më shumë se të gjithë. E teksa fliste për kryetarin aktual të PD-së, Berisha e ka ironizuar situatën aktuale të Bashës duke thënë: Më mirë qiri i fikur se sa qiri i fëlliqur.

“Ju ftoj që ky debat të zhvillohet midis njerëzve që iu besojnë vlerave, që marrin përgjegjësi, midis njerëzve për shpresën për të ecur të sigurt drejt fitores.

Natyrshëm unë kuptoj se dhjetëra, mijëra anëtarë mbështetës të PD janë të revoltuar pafundësisht nga akti i pabesë i Lulzim Bashës, por unë ju ftoj ju të mos pranojmë në asnjë mënyrë asnjë lloj ndarje midis nesh, të Bashës dhe të Berishës, të Berishës dhe të Bashës, ju jeni njerëzit e vlerave, të besimit, të lirisë, të të ardhmes së vendit.

Atyre që janë në këtë sallë dhe kanë mbështetur Lulzim Bashën, të tjerëve që nuk janë këtu dhe kanë mbështetur Lulzim Bashën, të tretëve që nuk e duan Sali Berishën, u them vetëm një fjalë, më shumë se të gjithë ju Lulzim Bashën e ka mbështetur Sali Berisha, ndaj ju keni mbështetur kryetarin e PD-së. Unë kam mbështetur kryetarin e PD-së.

Asnjëri nga ne, kurrë ndonjëherë nuk i shkonte ndërmend se kryetari ynë një ditë, i marrë peng në mënyrë absolute do mundej që pa pyetur, pa pyetur asnjë njeri, asnjë forum, asnjë nen statuti, asnjë parim mbi të cilin është ndërtuar PD-ja del me një vendim për të dorëzuar sovranitetin e PD-së. Miqtë e mi secili nga ju ka të drejtë të shtrojë një pyet, Doktori e ka për vete këtë nismë apo për PD?

Unë ju jap fjalën e nderit se e kam kryekëput për PD-në, për anëtarësinë e PD-së. Ne kemi një fjalë të urtë, e cila thotë ‘më mirë qiri i fikur se sa qiri i fëlliqur’. Ndaj dhe ne, ndalemi këtu. Ndalemi këtu”, tha Berisha nga Fieri./Opinion.al

Pas