Ish-kryeminsitri Sali Berisha është shprehur se kurrë nuk do e pranojë reformën në drejtësi, pasi ajo është kapur Sorosi.
Nga Fieri, Berisha përmendi disa emra të cilët sipas tij janë prokurorë e gjykatës të korruptuar, por u mbështetën gjatë reformës në drejtësi, gjë e cila tregon kapjen e drektësisë në vend.
“Ne bëmë gjithçka si opozitë që reforma të bëhej mbi bazën e parimeve të drejtësisë dhe pastërtisë së gjyqësorit. Ne ishim në një valë të plotë me Komisionin e Venecias. Por të gjithë amendamentet që i hoqëm nga Kushtetuta, Soros me ambasadorët e tij i kthyen në ligje. Sot në krye të drejtësisë është Sokol Sadushi, prokuror i egër i diktaturës. Sot është Artur Metani, vëllai i ministres së Edi Ramës. Sapo mori detyrën, ai shkoi në hotel Tirana për të marrë ofertën prej 500 mijë eurosh nga Çili. Dhe atij afera iu mbyll shpejt e shpejt. Tjetër, Ardian Dvorani, ish-prokuror i gjyqeve staliniste në Shkodër, shpallet kampion botëror i luftës kundër korrupsionit. Dvorani është gjykatësi, të cilit Albtelekom i pagoi apartamentin 70 mijë euro. Me reformën e Sorosit shkatërruan Gjykatën Kushtetuese, shkatërruan Gjykatën e Lartë. U krijua një stok prej dhjetëra mijëra dosjesh. Çfarë zgjidhje u dha? Ish-gruaja e dytë e Edi Ramës dhe gruaja aktuale e ministrit të Brendshëm u zgjodh për të përzgjedhur dosjet, duke shkelur çdo ligj dhe parim,”-tha Berisha./ Opinion.al
