Aktualitet

Berisha: Basha përzuri me dhunë nga zyra Gazetën Rilindja Demokratike


Bëhu pjesë e Grupit Zyrtar të Opinion.al
>> KËTU <<
               Publikuar në : 13:40 - 06/01/22 |
Opi Nion

Ish-kryeministri, Sali Berisha ka akuzuar Lulzim Bashën se ka përzënë nga zyrat Gazetën Rilindja Demokratike.

Në një status në rrjetet sociale, Berisha shkruan se ky akt të cilin e cilëson të shëmtuar dhe antidemokratik ka ardhur si rezultat i qëndrimeve të kësaj gazete pro tij.

Më tej Berisha thekson se Gazeta Rilindja Demokratike nuk ishte gazetë e Sali Berishës as dhe e Lulzim Bravës por ishte besnike e misionit te saj zëdhënëse e fjalës se lirë.

“Përzënia e Rilindjes Demokratike nga zyrat akt urrejtje i Lul Braves ndaj fjales se lire!

Te dashur miq, dje në 30 vjetorin e Rilindjes Demokratike, Peng Basha me urdhër te pengmarrësit te tij Edvin Rama, ne një akt intolerance dhe urrejtje për fjalën e lire përzuri me dhune nga zyrat e veta ne Selinë e Partisë Demokratike gazetën Rilindja Demokratike, gazetaret e saj.

Ky akt i shëmtuar antidemokratik erdhi si rezultat i qëndrimeve dinjitoze dhe ne mbrojtje te lirisë se shprehjes te Rilindjes Demokratike. Gazetaret dhe kryeredaktori i saj Bledi Kasmi ne kulmin e krizës qe kaloi Partia Demokratike dëshmuan para demokrateve dhe mbare shqiptareve se Rilindja Demokratike nuk ishte gazete e Sali Berishës as dhe e Lulzim Bravës por kishte mbetur besnike e misionit te saj te madh për te cilin lindi: zedhenese e fjalës se lire, e te vërtetës, anticensures, mendimit te pavarur intelektual, transparencës te guximshme te krimeve te narkoshtetit interesit kombëtar.

Deputeti Lulzim Basha me dëbimin e gazetareve te  gazetës Rilindja Demokratike kreu ndaj kësaj gazete një akt te pashembullt te cilin nuk e ndërmorën ne lindjen e saj diktatori Ramiz Alia as dhe rebelet komunist qe erdhën ne pushtet me flake dhe tym ne vitin 1997.

Duke cenuar me ashpërsinë me te madhe ketë dhunim te pashembullt te fjalës se lire, gazetareve dhe Gazetës Rilindja Demokratike ne 31 vjetorin e tyre, ju bej thirrje shoqatave te gazetareve te vendit dhe te huaja si dhe institucioneve ndërkombëtare, zyrave te OKB, OSBE, KE, PE, qe merren me lirinë e mediave te dënojnë ketë akt te pashembullt banditesk ndaj mediave te deputetit peng te qeverise Lulzim Brava”, shkruan Berisha./Opinion.al

Pas