Aktualitet

Berisha akuza ndaj Ballës: Është më i rrezikshëm se Suel Çela apo Gentian Sharra



Bëhu pjesë e Grupit Zyrtar të Opinion.al
>> KËTU <<
               Publikuar në : 20:15 - 09/09/22 |
Opi Nion

Akuza të forta ka hedhur kreu i PD, Sali Berisha ndaj kryetarit të Grupit Parlamentar të PS, Taulant Balla. Në një takim me intelektualë dhe qytetarë të Prrenjasit, Berisha u shpreh se Balla është me i rrezikshëm se Suel Çela apo Gentian Sharra.

“Së pari duhet të biem dakord, se kushti i të gjitha kushteve për të ju dhënë përgjigjen e duhur këtyre problemeve të mëdha, është largimi i Edi Ramës dhe qeverisë së tij nga pushteti. Sot nëse marrim në rrafshin politik ne përjetojmë një monizëm të plotë, edhe më të plotë se sa monizmi i Ramiz Alisë në shkurtin e vitit 1991.

Edi Rama kontrollon sot të gjitha pushtetet. I kontrollon këto sepse ai dhunoi votën. Ai përdori sistemin e vjetër të diktaturës, atë të patronazhistëve të cilët në segmente të tëra u shndërruan në terroristë të kuq. Ai përdori bandat dhe ju jeni dëshmitarë se si u skuqën rrugët e Elbasani ditën e zgjedhjeve.

Ju keni dëgjuar Sali Berishën që të akuzojë Suel Çelën, një bandit, vrasës, apo Gentian Sharrën, por ju garantoj se më i rrezikshëm, i inkriminuar dhe më kriminel se ata është deputeti i tyre në parlament, Taulant Balla. Pse kjo?

Nëse një zonë, një qytet, komunitet, terrorizohet nga një bandë, dijeni se është bandë  e qeverisë. Nuk ka banditë, grabitqarë, vrasës, që mund të terrorizojë një komunitet në rast se qeveria është kundër tij dhe kërkon të bëjë ligjin”, tha Berisha.

Pas