Numri i viktimave nga shpërthimi në Bejrut ka arritur në 73, sikurse radiotelevizioni libanez TeleLiban raportoi, duke cituar Ministrin e Shëndetësisë Hamad Hassan.
Të paktën 3000 persona raportohet se janë plagosur në shpërthimin masiv të ndodhur në kryeqytetin libanez.
Ndërkohë kryeministri i vendit Hassan Diab tha se ngjarja nuk do të kalojë pa kërkesë llogarie dhe përgjegjësit do të ndëshkohen për çfarë ndodhi.
Ai deklaroi se do të ketë një investigim për shpërthimin, ku përfshihen edhe publikime të të dhënave mbi depon e rrezikshme, që kishte qenë aty prej vitit 2014. Ndërkohë një prej objekteve të dëmtuara nga shpërthimi ka qenë edhe pallati qeveritar i cili ndodhej rreth 1.6 km larg vendit të shpërthimit.
Ndërkohë Ambasada Amerikane bën thirrje për personat që kalojnë në zonë të përdorin maskë për shkak të çlirimit të lëndëve toksike në ajër. “Raportohet se ka çlirime të gazeve toksike, ndaj të gjithë banorët duhet të qëndrojnë brenda dhe të përdorin maska nëse është e mundshme”, njofton ambasada./Opinion.al
An old woman covered in blood in Gouraud
People are crying and shocked. pic.twitter.com/jVIGRrEmvF— Sunniva Rose (@Sunniva_Rose) August 4, 2020
