Aktualitet

BE deklaratë për zgjedhjet në Shqipëri: Palët të pranojnë rezultatin


Bëhu pjesë e Grupit Zyrtar të Opinion.al
>> KËTU <<
               Publikuar në : 11:25 - 27/04/21 |
Opi Nion

Përfaqësuesi i Lartë për Politikën e Jashtme të BE-së Jose Borrel dhe komisioneri për zgjerimin Oliver Varhely, kanë dalë në një deklaratë të përbashkët, për zhvillimin e zgjedhjeve të përgjithshme parlamentare në Shqipëri.

Zyrtaret e lartë të BE iu kanë kërkuar partive politike të pranojnë rezultatin e zgjedhjeve si dhe të garantojnë funksionimin demokratik të institucioneve në vend.

“Ne inkurajojmë të gjitha palët e përfshira në procesin e numërimit të votave të procedojnë me shpejtësi dhe në përputhje me procedurat e përcaktuara. Të gjitha forcat politike duhet të sigurojnë funksionimin efikas dhe demokratik të institucioneve në vend si rezultat i këtyre zgjedhjeve. Kjo përfshin përgjegjësinë për të ndjekur parimin demokratik për të respektuar rezultatin e zgjedhjeve”, thuhet në deklaratë.

Borrel dhe Varheley bëjnë gjithashtu thirrje që çdo parregullsi të sinjalizohet tek Komisioni Qendror i Zgjedhjeve dhe autoritetet kompetente. Ndërkohë ata iu referuan konstatimeve të OSBE/ODIHR, të cilët i cilësojnë zgjedhjet si të rregullta.

“Sipas zbulimeve fillestare dhe konkluzioneve të Misionin Vëzhgues të OSBE/ODHIR, zgjedhjet parlamentare ishin përgjithësisht të mirëorganizuara ndërsa fushata ishte e gjallë dhe gjithëpërfshirëse. Komisioni Qendror Zgjedhor i reformuar, mbikëqyri procesin në mënyrë transparente. Vëzhguesit raportuan shqetësime të lidhura me keqpërdorim të resurseve shtetërore nga partia në pushtet dhe figura të tjera publike”.

Në deklaratë thuhet më tej se periudha e tranzicionit deri në konstituimin e parlamentit dhe qeverisë së re, nuk duhet të frenojë për implementimin e reformave të nevojshme./Opinion.al

Pas