PS kryeson në Vorë, Veliaj: Kam pritur 20 vite për ta dhënë këtë lajm

Partia Socialiste ka fituar në Bashkinë e Vorës, me 54 % të votave.

Drejtuesi politik i PS në Qarkun Tiranë, Erion Veliaj tha se ka pritur 20 vite për të dhënë një lajmërim të tillë. Më tej ai falenderoi qytetarët që në këto zgjedhje zgjodhën një alternativë ndryshe.

“Kemi pritur 20 vite për ta bërë këtë lajmërim, kanë qenë 20 vite kur kemi qenë në opozitë, nuk jemi dorëzuar. Pas 20 vitesh PS sot ka fituar në Vorë me 54%. Dua të falenderoj të gjithë qytetarët e Vorës që zgjodhën të provojnë diçka ndryshe, një alternativë që prej 20 vitesh nuk ishte forca qeverisëse në Vorë”, tha Erion Veliaj nga selia rozë.

Kujtojmë se Bashkia e Vorës ka qenë një bastion i demokratëve.