Kryesore

Bashkia e Shkodrës nuk i jep leje për miting Ramës


               Publikuar në : 11:32 - 20/06/19 |
Opi Nion

Kryeministri Edi Rama ka paralajmëruar një takim elektoral në Shkodër në orën 19:00, por bashkia e këtij qyteti nuk i ka dhënë leje.

Vendimi i bashkisë vejnë pasi respektohet vendimi i presidentit Ilir Meta, i cili anuloi 30 qershorin për mbajtjen e zgjedhjeve lokale.

Gjithashtu në përgjigjen e saj, bashkia sqaron se në të kundërt policia bashkiake do jetë e detyruar të realizojë detyrën e saj funksionale.

“Bashkia e Shkodrës, në zbatim të dekretit të Presidentit të Republikës për anulimin e zgjedhjeve të 30 qershorit dhe në kuadër të mbarëvajtjes së sezonit turistik, nuk ka miratuar kërkesën e Partisë Socialiste për zhvillimin e një aktiviteti elektoral në Pedonalen e qytetit.
Bazuar në arsyetimin e mësipërm, në përgjigje të një shkrese të Komisariatit të Policisë Vendore Shkodër, Bashkia e Shkodrës ka vënë në dijeni për mosmiratimin e lejes për aktivitet elektoral të Partisë Socialiste. Policia Bashkiake është e vendosur të realizojë detyrën e saj funksionale ligjore për garantimin e rendit dhe qetësisë publike në të gjithë territorin e Bashkisë së Shkodrës dhe për çdo shkelje, të veprojë në bazë të kompetencave dhe legjislacionit në fuqi.
Bashkëngjitur, komunikimi zyrtar i Bashkisë Shkodër”,
thuhet në deklaratë./ Opinion.al E.Xh.

vvvv-1 vv3
<
>

Pas