Aktualitet

Bashkëpunimi ushtarak, nëndetësja turke mbërrin në Durrës


               Publikuar në : 12:06 - 14/03/19 |
geliano fataj

Nëndetësja turke TCG GÜR S-357 ka mbërritur në Shqipëri, ndërsa do të qëndrojë e ankoruar në Portin e Durrës për disa ditë me radhë.

Sipas Anadolu Agency (AA) nëndetësja do të qëndrojë në qytetin bregdetar deri më 18 Mars, ndërsa do të vizitohet në ditët në vazhdim nga përfaqësues të institucioneve turke në Shqipëri dhe zyrtarë shqiptarë.

Nëndetësja turke ka ardhur në Portin e Durrësit në zbatim të planit të bashkëpunimit ushtarak mes Republikës së Turqisë dhe Republikës së Shqipërisë, ndërsa me vizitën e saj synohet që të thellohet edhe bashkëpunimi në fushën ushtarake mes dy vendeve.

Nëndetësja është e gjatë 62 metra, e gjerë 6.2 metra dhe peshon 1400 tonë, ndërsa personeli i saj përbehet nga 45 persona./Opinion.al

Pas